Skemmtikrafturinn og Snapchat stjarnan Eva Ruza opnaði sig um ástæðu þess að hún drekki ekki áfengi né neiti vímuefna í opinni stöðufærslu a Facebook fyrr í dag.
„Ég er oft spurð að því afhverju ég drekki ekki áfengi. Hvort ég sé óvirk… það er það fyrsta sem fólki dettur í hug,“ segir Eva Ruza í upphafi færslunnar.
„Nei kids, ég var bara týpan sem langaði ekki að drekka. Simple as that. Mér fannst ég töff að drekka ekki. Í dag er þetta besta ákvörðun sem ég hef tekið og ég vona að ungu krakkarnir sem fylgja mér á samfélagsmiðlum finnist ég líka töff að drekka ekki… og finnist kannski töff að taka ekki sopann. Því krakkar það er bara helvíti cool að drekka ekki! Svo er líka bara hægt að fá fabjúlöss óafenga kokteila í dag! Stay cool kids. Sleppið vímuefnum. Það er mun meira töff að vera skýr í kollinum.“