„Hér getið þið sett okkur lífsreglurnar fyrir samband. Það er ekkert sem verður ekki tekið til greina.“ Þannig hljóðaði status sem Elva Meldal setti inn í grúppuna Brandarasíða fyrir lengra komna á Facebook. Viðbrögðin létu ekki á sér standa. Hér er að finna ráð frá íslenskum karlmönnum sem þeir telja lykilatriði svo sambandið verði hamingjuríkt.
„Þögn er gulls ígildi.“
„Stundum höfum við rétt fyrir okkur, ekki oft en stundum, respect that.“
„Stundum erum við ekki að hugsa neitt og okkur líður vel.“
„Ef karlmaður segist ætla að gera eitthvað…. þá gerir hann það! Það er alger óþarfi að minna hann á það á sex mánaða fresti!“
„Ef eitthvað er að, ekki segja EKKERT!!“
„Já, elskan þú hefur rétt fyrir þér.“
„Ekki gera grín að veikum karlmanni. Við kvörtum ekki fyrr en við erum komnir í lífshættu. Men-flu er stórhættulegur sjúkdómur.“
„Ef þið eruð ekki sáttar við okkur eins og við erum ekki reyna að breyta okkur, finnið ykkur annan karl því við erum ekki sá rétti fyrir ykkur.“
„Við erum orðnir svangir líka, for the love of GOD, veldu stað til að borða á !!!“
„Ef það er eitthvað sem margar konur misskilja oft og endar ófáum sinnum í tilgangslausu rifrildi er það þetta: Menn eiga það til að sýna tilfinningar sínar eða áætlanir í verkum frekar en orðum. Til dæmis, hann er ekki vanur að vera sá sem tekur alltaf til eða lagar hluti í húsinu. En einn daginn fer hann að gera þessa hluti. Það eru skýr merki að hann sé að vinna í sambandinu. Í okkar huga segja svona verk miklu meira en nokkurn tímann eitthvað sem sagt er í orðum.“
„Notið orðasamhengið „við þurfum að plana svo lítið“ frekar en „við þurfum að tala saman“. Ég veit ekki hversu oft ég hef gengið upp að þeirri fallöx með hjartað í hálsinum og svo er bara farið að tala um hvað eigi að vera í matinn.“
„Reynið að finna áhuga á uppáhalds tölvuleik mannsins þíns, það er the goal to success.“
„Ef kona vill gleðja karlmann, færir hún honum ís kaldan BJÓR“
„Munnmök geta skipt sköpum“
