fbpx
Miðvikudagur 20.febrúar 2019
Bleikt

Mikil sorg þegar Birkir féll frá – Ofurhetja sem verður sárt saknað – Nemendur MH stofna minningarsjóð

Ritstjórn Bleikt
Miðvikudaginn 10. október 2018 16:20

Ekki missa af Helstu tíðindum dagsins í pósthólfið þitt

Lesa nánar

Brosmildur og hæglátur. Vandaður og fallegur. Hæglátur og hafði yfir sér einstaka ró og yfirvegun. Barðist eins og hetja af miklu æðruleysi og bjartsýni. Bjó yfir sterkum persónuleika og miklum þroska. Traustur, vinalegur og mesti ljúflingurinn í fjölskyldunni. Æðrulaus ofurhetja sem lést allt of snemma, aðeins 19 ára gamall. Þannig er mannkostum Birkis Fannars Harðarsonar lýst.

Birkir var nemandi í Menntaskólanum í Hamrahlíð í þrjú ár. Í góðgerðarviku hjá skólanum var ákveðið að styrkja Ljósið og söfnuðust 82 þúsund krónur. Ljósið býður upp á endurhæfingu og stuðning fyrir krabbameinsgreinda og aðstandendur þeirra. Þessi málstaður var ákveðinn til minningar um Birki Fannar Harðarson sem lést nýverið úr krabbameini.

Nemendur MH

Á Facebook síðu nemendafélagsins segir: „Birkir kom í skólann sem nýnemi árið 2015 og eignaðist æðislega vini, fór í útvarpsráð sem hann hafði mjög gaman af og var almennt virkur í félagslífinu. Allir sem þekktu Birki geta staðfest að hann var ótrúlegur strákur og yndisleg manneskja, vildi öllum vel, var hlýr og einlægur og snerti mörg hjörtu í MH.

Í október 2017 fékk hann þær fréttir að hann væri með krabbamein í mjöðm. Hófst þá lyfjameðferð sem hann barðist í gegnum eins og hetja, hann missti aldrei vonina. Þannig var Birkir. Hann hafði vondar fréttir að færa en bætti strax við að hann ætlaði að rústa þessu og láta þetta ekki stoppa sig. Hann var svo hugrakkur og bjartsýnn í gegnum alla meðferðina, en sumt fær ekkert okkar ráðið við.“

Birkir lést þann 22. ágúst síðastliðinn á Krabbameinsdeild Landsspítalans eftir ótrúlega harða baráttu. Á síðu skólans segir:

Einnig stofnaði nemendafélag Menntaskólans við Hamrahlíð styrktarreikning til minningar um Birki sem rennur til Ljóssins. Hann mun vera opinn út skólaárið.

Kennitala: 480491-1499 – Reikningsnúmer: 515-14-413719

Birkis verður sárt saknað. Við vottum öllum syrgjendum samúð. Vinsamlegast styðjið við bakið á sjóðnum ef þið hafið tök á.

Ritstjórn Bleikt
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 4 dögum

Ingibjörg: „Ég vill ekki hugsa til þess hvað hefði gerst ef ég hefði beðið í viku í viðbót með að fara upp á geðdeild“

Ingibjörg: „Ég vill ekki hugsa til þess hvað hefði gerst ef ég hefði beðið í viku í viðbót með að fara upp á geðdeild“
Bleikt
Fyrir 4 dögum

Katy Perry og Orlando Bloom trúlofuð

Katy Perry og Orlando Bloom trúlofuð
Bleikt
Fyrir 5 dögum

Kærastan sendir Rúrik einlæga ástarjátningu: „Takk fyrir að vera maður drauma minna“

Kærastan sendir Rúrik einlæga ástarjátningu: „Takk fyrir að vera maður drauma minna“
Bleikt
Fyrir 5 dögum

Kylie Jenner og Ariana Grande misstu milljónir fylgjenda í gær

Kylie Jenner og Ariana Grande misstu milljónir fylgjenda í gær

Tarot Spil

Veldu þér spil og sjáðu spádóm þinn.