Halló Ragga
Ég ligg heima ógeðslega veikur með flensu en skreið að tölvunni til að skrifa þér þegar Panódílið fór að virka. Ég held að ég eigi við óvenjulegt vandamál að stríða því flestir vinir mínir kvarta um hið gagnstæða. En vandamálið er að konan mín er of gröð að mínu mati. Yfirleitt reyni ég að spila með og halda henni ánægðri en það keyrði um þverbak núna í flensunni. Hún lætur mig ekki í friði þó að ég sé með hátt í fjörutíu stiga hita og að drepast í öllum líkamanum.
Ég vaknaði í nótt við það að hún var búin að fikta í tippinu á mér svo að ég var grjótharður og hún var hálfpartinn að skríða ofan á mig til að renna honum inn.
Ég var með hrikalega beinverki og bað hana að hætta en hún hlustaði eiginlega ekki á mig. Það endaði með því að ég flúði með sængina fram í stofu. Þess ber að geta að hún hefur ekki alltaf verið svona heldur byrjaði þetta fyrir svona ári síðan. Hvað get ég gert?
Fannar
Halló Fannar
Leitt að heyra af ógöngum þínum. Mér finnst konan þín ömurlega tillitslaus og vond við þig. Það gildir líka einu hvort þú ert lasinn eða ekki, hún á að virða þín mörk hvernig sem heilsan er.
Ef konan þín er á einhverju allsherjar greddutímabili verður hún að gjöra svo vel og sinna sínum þörfum á annan hátt en með því að klifra upp á sárveikan manninn sinn í skjóli nætur.
Á manneskjan ekki almennilegan titrara? Stattu fastur á þínu og fáðu hana til að sýna þér þá tillitsemi sem þú átt skilið. Svo vona ég að hún fái flensuna líka.
Bata- og baráttukveðjur,
Ragga