fbpx
Bleikt

Ótrúleg breyting á Sögu Ýr á einu ári: Svona getur neyslan farið með mann – Sláandi munur

Aníta Estíva Harðardóttir
Mánudaginn 1. október 2018 09:30

„Jæja, shit, þetta tókst. Í mikilli örvæntingu ákvað ég að prófa aðra stefnu í lífinu. Ekki fyrst og fremst til þess að friða einn eða neinn heldur því ég vildi sjá hvort að grasið væri raunverulega grænna hinu megin, þar sem allt í mínum garði var orðið að ösku.“

Á þessum orðum hefur Saga Ýr Nazari tilkynningu sína um eins árs edrúafmæli.

Horfist í augu við sjálfa sig án sjálfsblekkingar

Samsett mynd af Sögu frá því tímabili sem hún var í neyslu og síðan í dag þegar hún hefur verið edrú í eitt ár

Þann 28. september árið 2017 lagðist Saga inn á meðferðarheimilið Vog þar sem hún dvaldi í tuttugu daga. Í framhaldinu fór hún í meðferð á Vík í tuttugu og átta daga.

„Það eru 365 dagar á einu ári þannig að þetta var enginn tími. Ég fór á áfangaheimili þegar ég útskrifaðist úr meðferð og bjó þar í átta mánuði. Ég vildi athuga hvað myndi ske ef að ég myndi leggja jafn mikla orku í edrúgöngu mína og ég lagði á mig í neyslu. Útkoman er svona: Ég náði að fagna tvítugs afmælinu mínu edrú, ég fékk fólkið mitt og traust þeirra til baka. Ég er í námi, ég er að rækta áhugamálin mín sem voru týnd í ryki áður, ég er að fá að semja tónlist og spila, ég er að fá að hjálpa öðrum einstaklingum sem eru í baráttu við fíkn að sigrast á henni og ég er að fá að taka þátt í hreyfingu sem skiptir máli, eins og „Ég á bara eitt líf“. Það besta við þetta allt er að ég er að fá að mæta sjálfri mér, nákvæmlega eins og ég er. Ég er að horfast í augu við sjálfa mig án sjálfsblekkingar og ótta en mikil vinna og ræktun á innra barni var nauðsynleg í því ferli.“

Minningarsjóður Einars Darra gefur fíklum von

Saga þakkar SÁÁ fyrir það að taka hana í sínar hendur og kenna henni á lífið.

„Kenna mér að ég var ekki aumingi, heldur var ég og er ég að glíma við genatengdan fíknisjúkdóm. Ég vil þakka öllum fyrirmyndum sem hafa nýtt sitt platform til þess að segja frá sinni sögu af stolti, það hjálpaði mér. Ég vil þakka fyrir Minningarsjóð Einars Darra fyrir að vekja upp þjóðina okkar. Gefa okkur fíklunum von, hjálpa okkur að skila skömminni.“

Saga segist ánægð að sjá mun fleiri af yngri kynslóðinni taka eftir því hversu alvarlegt það getur verið að neyta áfengis og eiturlyfja.

„Ég vil meina það að ég hefði orðið veik á þessum sjúkdómi sama hvort lífið mitt hefði verið dans á rósum eða ekki. En ég vil líka meina það að fræðslan sem ég hef fengið svona ung, sé ástæðan fyrir því að ég er að fá að takast á við þetta svona ung. Hver sem er getur fetað þessa leið og ég þurfti að læra það á erfiðan hátt að ég gæti það ekki ein.“

Fyrir neðan má sjá tónlistarmyndband sem Saga gaf út eftir að hafa gengið beinu brautina:

Aníta Estíva Harðardóttir
Aníta Estíva Harðardóttir er umsjónarmaður Bleikt á DV. Hún hefur stundað nám við félagsfræði, fjölmiðlafræði, leikstjórn og framleiðslu.

Netfang: anita@pressan.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 3 dögum

15 Lífsreglur frá íslenskum körlum svo sambandið lifi: „Ef eitthvað er að, ekki segja EKKERT!!“

15 Lífsreglur frá íslenskum körlum svo sambandið lifi: „Ef eitthvað er að, ekki segja EKKERT!!“
Bleikt
Fyrir 3 dögum

Hrollvekjandi heimagerðir búningar Íslendinga á Halloween – Þorir þú að kíkja?

Hrollvekjandi heimagerðir búningar Íslendinga á Halloween – Þorir þú að kíkja?
Bleikt
Fyrir 5 dögum

Konan hans Andra er hetja – Er á Kleppi – „Ég hef aldrei upplifað eins hömlulausan grát“

Konan hans Andra er hetja – Er á Kleppi – „Ég hef aldrei upplifað eins hömlulausan grát“
Bleikt
Fyrir 5 dögum

Geir fór heim með konu á fertugsaldri: Læddist út – er með móral!

Geir fór heim með konu á fertugsaldri: Læddist út – er með móral!
Bleikt
Fyrir 6 dögum

Rottupennaveski og músaeyrnalokkar eru aðeins brot af listaverkunum

Rottupennaveski og músaeyrnalokkar eru aðeins brot af listaverkunum
Bleikt
Fyrir 6 dögum

Löggan bankaði upp á hjá Veru um miðja nótt með leyndarmál hennar undir handleggnum

Löggan bankaði upp á hjá Veru um miðja nótt með leyndarmál hennar undir handleggnum