Það er líklega fátt meira slakandi en að leggjast upp í sófa með gæludýrinu sínu eftir langan og erfiðan dag. Örlítil kría með kettinum, hundinum, kanínunni nú eða því gæludýri sem þú kýst að eiga og treystir til þess að liggja hjá þér getur verið notaleg stund fyrir ykkur bæði.
Terry Lauerman er sjötíu og fimm ára gamall sjálfboðaliði í dýraathvarfinu Safe Haven Sanctuary í Green Bay, Wisconsin. Athvarfið hugsar um dýr með fötlum og samkvæmt Indy sér Terry um að þrífa og greiða vinum sínum í athvarfinu. En vinnan getur tekið á og reglulega leggur Terry sig með dýrunum.
Nýlega fékk Terry gælunafnið „Cat Grandpa“ eða kattarafinn. Á dögunum deildi athvarfið myndum af Terry vera að leggja sig með dýrunum og þakkaði honum í leiðinni fyrir frábært starf. Myndirnar fóru fljótlega í dreifingu á netinu og er Terry nú orðinn þekktur um allan heim sem kattarafinn.
