fbpx
Bleikt

Fæddist með augasteina sem fylla út í augað

Ritstjórn Bleikt
Föstudaginn 21. september 2018 11:30

Það hefur færst í aukana í dag að fólk versli sér augnlinsur sem láta augasteina þeirra líta út fyrir að vera stærri heldur en þeir í raun eru og jafnvel svo stórir að þeir fylla upp í allt augað.

En fyrir Mehlani Martinez þá er það daglegt brauð að vera með risa stóra augasteina. Mehlani fæddist með sjaldgæft heilkenni sem kallast Axenfeld-Gieger heilkennið.

Þeir sem fæðast með Axenfeld heilkenni hafa óvenjulega stóra augasteina og eru því viðkvæm fyrir ljósi. Heilkennið getur einnig leitt til þess að fólk verði blint í framtíðinni. Hjá sumum eru augasteinarnir ekki staðsettir í miðju auganu og einnig eru dæmi um það að börn fæðist með marga augasteina.

Vegna þess að Mehlani fæddist með heilkennið þá þarf hún alltaf að hafa sólgleraugu þegar hún er úti til þess að vernda augu hennar. Móðir Mehlani hefur miklar áhyggjur af því að dóttir hennar muni fljótlega missa sjónina.

„Fólk segir alltaf við mig að hún sé svo falleg og sæt en ég hef alltaf átt í vandræðum með það því ég veit að fólk tekur eftir einhverju öðruvísi í augunum á henni. Ég hef líka áhyggjur á því þegar önnur börn fara að spyrja hana út í augun hennar, börn geta verið svo vond. En ég hef kennt henni að þegar fólk hrósi henni þá á hún að þakka fyrir sig og brosa,“ segir Mehlani í viðtali sem Metro greindi frá.

Vonar hún að hún geti vakið athygli á heilkenni Mehlani.

„Í hvert skipti sem við förum út þá kemur ókunnugt fólk að henni og hrósar henni fyrir stóru og fallegu augun hennar. Ég á í innri baráttu við mig í hvert skipti þar sem ég veit ekki hvort ég eigi að nefna það að hún sé með þennan galla eða ekki. En ég hef ákveðið að gera það ekki. Ég brosi því bara og segi takk en mér finnst það samt skrítið. Ég vona bara að hún muni alltaf vita hversu falleg hún er.“

Ritstjórn Bleikt
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 2 dögum

Arnar reynir að taka alvarlegt viðtal við tvíburabróður sinn – Útkoman er sprenghlægileg

Arnar reynir að taka alvarlegt viðtal við tvíburabróður sinn – Útkoman er sprenghlægileg
Bleikt
Fyrir 2 dögum

Góð ráð Svandísar um lestarferð í Evrópu: „Ef eitthvað virkar of gott til að vera satt – þá er það of gott til að vera satt“

Góð ráð Svandísar um lestarferð í Evrópu: „Ef eitthvað virkar of gott til að vera satt – þá er það of gott til að vera satt“
Bleikt
Fyrir 4 dögum

Þrífætta, eyrnalausa kanínan Mimi á allskonar hekluð gervieyru

Þrífætta, eyrnalausa kanínan Mimi á allskonar hekluð gervieyru
Bleikt
Fyrir 5 dögum

Dagbjört misbauð sjálfri sér með áfengisneyslu: „Fljótlega fór þörfin til þess að deyfa mig með víni vaxandi“

Dagbjört misbauð sjálfri sér með áfengisneyslu: „Fljótlega fór þörfin til þess að deyfa mig með víni vaxandi“