fbpx
Bleikt

Þriggja mánaða sonur Maríu Gróu er með kíghósta – Biðlar til fólks að bólusetja börnin sín

Aníta Estíva Harðardóttir
Miðvikudaginn 19. september 2018 13:00

Staðan á heimili Maríu Gróu Pétursdóttur breyttist á örskotsstundu þegar hún fékk þær fréttir á dögunum að Aron, þriggja mánaða gamall sonur hennar, var kominn með kíghósta.

María Gróa Pétursdóttir biður foreldra að bólusetja börnin sín

„Við vorum undir eftirliti í dag uppi á Barnaspítala í einangrun og fylgst var með súrefnismettun hans og hjartslætti,“ segir María í samtali við Bleikt.

Sonur Maríu kastaði upp allri mjólk

 „Undanfarna daga hefur Aron verið með kvef og nefrennsli sem ég hafði ekki miklar áhyggjur af. Við Anton fórum samt sem áður og létum kíkja á hann og ekkert fannst. Samt var tekið strok úr nefinu. Síðan fer hóstinn hans að versna og hann á erfitt með að losa um slím og hóstar mikið upp úr svefni. Hann fer að kasta upp allri mjólkinni eftir gjafir með tilheyrandi hósti og kúgast mikið.“

Í ljósi umræðna undanfarna daga og vikur um bólusetningu barna ákvað María að hún yrði að tjá sig um alvarleg veikindi sonar síns.

„Ég get ekki skilið þær ástæður af hverju foreldrar bólusetja ekki börnin sín. Hvað fær fólk til þess að ákveða það að það sé barninu ekki fyrir bestu að fá mótefni fyrir mörgum lífshættulegum sjúkdómum? Okkur Antoni leyst ekki á hóstann í Aroni og við ákváðum að fara aftur með hann til læknis. Ekkert fannst í lungum hans né neitt. Síðan fékk ég hringingu frá Barnaspítalanum um að niðurstöður úr strokunni væru komnar. Barnið er með KÍGHÓSTA þriggja mánaða gamall.“

Smitaðist tveimur dögum eftir bólusetningu

Sonur Maríu fékk bólusetningu fyrir kíghósta þann 11. september síðastliðinn og tveimur dögum síðar var hann kominn með kvef.

„Hvar hann nældi sér í þetta skiptir ekki máli, það sem skiptir máli er að einhvers staðar var einstaklingur sem ekki hefur verið bólusettur og þar af leiðandi hefur smit komist í barnið mitt.“

María segir í samtali við blaðakonu að verstu hóstaköst Arons séu á kvöldin og næturnar.

„Ég hef þurft að taka hann upp úr vöggunni og snúa honum á magann til þess að hjálpa honum að hósta þar sem varirnar á honum hafa blánað. Við erum heima með hann þar sem súrefnismettunin kom vel út og sýklalyfið sem hann fékk er farið að virka. Hann er allur að koma til og er farinn að geta haldið mjólkinni niðri.“

María biðlar til fólks um að láta bólusetja börnin sín ásamt því að fá sér sjálf auka bólusetningu á tíu ára fresti til þess að koma í veg fyrir smit af þessu tagi.

Aníta Estíva Harðardóttir
Aníta Estíva Harðardóttir er umsjónarmaður Bleikt á DV. Hún hefur stundað nám við félagsfræði, fjölmiðlafræði, leikstjórn og framleiðslu.

Netfang: anita@pressan.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 3 dögum

15 Lífsreglur frá íslenskum körlum svo sambandið lifi: „Ef eitthvað er að, ekki segja EKKERT!!“

15 Lífsreglur frá íslenskum körlum svo sambandið lifi: „Ef eitthvað er að, ekki segja EKKERT!!“
Bleikt
Fyrir 3 dögum

Hrollvekjandi heimagerðir búningar Íslendinga á Halloween – Þorir þú að kíkja?

Hrollvekjandi heimagerðir búningar Íslendinga á Halloween – Þorir þú að kíkja?
Bleikt
Fyrir 5 dögum

Konan hans Andra er hetja – Er á Kleppi – „Ég hef aldrei upplifað eins hömlulausan grát“

Konan hans Andra er hetja – Er á Kleppi – „Ég hef aldrei upplifað eins hömlulausan grát“
Bleikt
Fyrir 5 dögum

Geir fór heim með konu á fertugsaldri: Læddist út – er með móral!

Geir fór heim með konu á fertugsaldri: Læddist út – er með móral!
Bleikt
Fyrir 6 dögum

Rottupennaveski og músaeyrnalokkar eru aðeins brot af listaverkunum

Rottupennaveski og músaeyrnalokkar eru aðeins brot af listaverkunum
Bleikt
Fyrir 6 dögum

Löggan bankaði upp á hjá Veru um miðja nótt með leyndarmál hennar undir handleggnum

Löggan bankaði upp á hjá Veru um miðja nótt með leyndarmál hennar undir handleggnum