fbpx
Bleikt

Aníta Rún ákvað að fara í skotveiði með opinn huga: „Þetta er svo mikið meira en bara skjóta til að drepa“

Vynir.is
Mánudaginn 17. september 2018 18:30

Þegar ég kynntist kærastanum mínum kynnti hann mér fyrir áhugamálinu sínu. Þetta er áhugamál sem mér hefði aldrei dottið í hug að ég gæti fengið áhuga á. Þetta áhugamál er skotveiði.

Ég get með sanni sagt að mér bauð við þessu fyrst. Ég er að vísu alin upp í sveit og svona nokkuð er alls ekki nýtt fyrir mér. En aftur á móti þá var ég bara svo logandi hrædd við byssur þegar ég var yngri að ég var ennþá hálf hvekkt þegar við byrjuðum saman.

Hann var nokkuð fljótur að kveikja áhuga minn. Áhugi minn kviknaði svo sem ekki á veiðinni sjálfri heldur öllu í kringum hana.  Þetta er svo mikið meira en bara skjóta til að drepa.

Ég hafði til að mynda aldrei smakkað önd né gæs áður en við byrjuðum saman. Samverustundirnar sem við eigum núna í tilrauna eldamennsku með þetta kjöt eru ómetanlegar.

Ég ákvað líka þegar við byrjuðum saman að gefa þessu áhugamáli skilning og fara inn í það með opin hug. Ef ég hefði engan veginn haft áhuga hefði ég bara staðið utan við það og leyft honum að eiga það fyrir sig. En annað kom á daginn.

Ég held skrá yfir allt sem hann skýtur. Hvar, með hverjum, hvað margar endur eða gæsir og svo framvegis.
Það þarf líka að pakka þessu og ganga frá kjötinu þegar heim er komið, það er eitthvað sem ég get svo sannarlega dundað mér við.

Það þarf að þrífa byssuna – ég get svarið það að hann hugsar stundum betur um þessa byssu en mig!

Það eru þessar litlu samverustundir okkar tengdar skotveiðinni sem smátt og smátt komu inn meiri áhuga hjá mér. Áhuginn er allavega orðinn það mikill að mér datt í hug að taka skotvopnaleyfið.

Þegar hann kemur heim af veiðum og ég hlusta á hann lýsa því sem hann upplifir get ég ekki annað en brosað. Kyrrðin, þögnin, spennan og jafnvel stundum vonbrigðin verða svo áþreifanleg í lýsingunum hans.

Að deila áhugamáli með honum gerir okkur ennþá nánari.
Að upplifa allar tilfinningarnar í kringum þetta með honum er dásamlegt.

Þó ég hafi ekki haft áhuga á þessu fyrst þá var ég fljót að fá áhuga um leið og ég gaf þessu séns.
Ég mæli svo sannarlega með því fyrir öll pör að finna sér sameiginlegt áhugamál og sérstaklega prófa áhugamál hvors annars, það gæti nefnilega komið ykkur á óvart.

Færslan er skrifuð af Anítu Rún og birtist upphaflega á Vynir.is

Vynir.is
Við erum nokkrar stelpur sem að skrifum inn á vynir.is! Katrín Helga, Kristín, Helga Rut, Agnes, Laufey Inga, Aníta Rún, Stefanía Hrund & Árný Hlín.
Síðan okkar er fyrst og fremst byggð á húmor, vináttu, afþreyingu, uppskriftum, matseðlum og persónulegum færslum úr okkar lífi.
Við erum tiltölulega ný í blogg heiminum og hlakkar okkur mikið til komandi tíma.
Vynir.is eru á Facebook : https://www.facebook.com/vynir.is/
Og Instagram: https://www.instagram.com/vynir.is/
www.vynir.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 2 dögum

Sýnir fólki hvað einnota plastnotkun er að gera jörðinni: „Við eigum öll að vinna að því að taka ruslið upp“

Sýnir fólki hvað einnota plastnotkun er að gera jörðinni: „Við eigum öll að vinna að því að taka ruslið upp“
Bleikt
Fyrir 2 dögum

Sigga segir áralanga vanlíðan og kvíða ungmenna líklegustu orsök fíkniefnaneyslu: „Ferlið hljómar kunnuglega“

Sigga segir áralanga vanlíðan og kvíða ungmenna líklegustu orsök fíkniefnaneyslu: „Ferlið hljómar kunnuglega“