Hundurinn Bacon er orðinn frægur á Instagram fyrir svipbrigði sín. Hefur Bacon verið líkt við Peter Dinklage, Samuel L. Jackson, William H. Macy og Mark Hamill vegna ótrúlega fyndna svipbrigða sem hann setur upp.
Bacon var bjargað af götunni og átti í erfiðleikum með að finna heimili þar til Meg, núverandi eigandi hans, fann hann og varð strax ástfangin af honum.
„Hann var ættleiddur tvisvar sinnum út og honum skilað aftur áður en að við eignuðumst hann,“ segir Meg í samtali við Metro.
Bacon glímdi við hegðunarvandamál þegar Meg fékk hann en eftir að hafa farið í þjálfun hjá hundaþjálfara hefur hann fundið frið og ró. Hann er í dag orðinn fjögurra ára gamall og er orðinn vinsæll á samfélagsmiðlum með yfir tuttugu þúsund fylgjendur á Instagram.
„Bacon setur upp þessi svipbrigði náttúrulega, það fer eftir því hvort hann sé glaður, hissa, pirraður eða tilbúinn fyrir knús hvaða svip hann setur upp. Ég myndi segja að það besta við hann er hvað hann fær fólk til þess að hlæja mikið.“
