Fjögurra ára gamall sonur Díönu Stefánsdóttur fékk að sækja sér kleinuhringjaleik í tölvuna sína í morgun þar sem hann var veikur heima. Þegar Díana opnaði leikinn fékk hún áfall.
„Ég var í sjokki í morgun þegar ég ætlaði að fara að spila leikinn með honum og þetta myndband poppaði endalaust upp,“ segir Díana í samtali við Bleikt.
Myndbandið sem um ræðir er auglýsing á vöru fyrir konur og er greinilegt að konan í myndbandinu er í kynferðislegri athöfn.
„Alveg sama hvað er gert í leiknum þá kemur þetta mjög svo ósmekklega myndband upp. Það var ein sem sagði mér að maður nær ekki einu sinni að búa til einn kleinuhring í leiknum. Ég er búin að eyða honum og mæli með því að foreldrar eyði þessum leik ef börnin þeirra eru með hann.“
Díana tók auglýsinguna úr leiknum upp og má sjá hana hér að neðan:
[videopress KgkgmDBE]
