Róbert Wessman, forstjóri Alvogen, og kærasta hans, Ksenia Vladimirovna Shakhmanova, trúlofuðu sig á dögunum. Róbert greinir frá því á Facebook að hann hafi beðið Kseniu inni í fjögur þúsund ára eldfjalli og hundrað metra neðanjarðar.
„Ég er nú trúlofaður Kseniu, minni ótrúlegu og fallegu konu,“ sagði Róbert á ensku og bætti við að þau væru nú komin með hringa. Hann bætir við að það hafi verið ótrúleg upplifun að biðja Kseniu á þessum stað, en um var að ræða Þríhnúkagíg sem nýtur mikilla vinsælda meðal ferðamanna. Augnablikið hafi verið skemmtilegt og sérstakt.
Í ágúst 2017 fjárfesti Róbert, ásamt nokkrum viðskiptafélögum, í glæsilegri íbúð á Vatnsstíg 20–22 í SkuggahverfiÍbúðin er 314 fermetrar að stærð og var Guðmundur Kristjánsson í Brim seljandi eignarinnar. Þar býr Róbert, þegar hann er staddur á Íslandi, ásamt Kseniu og börnum hennar.