Emelía Rut Hómarsdóttir Olsen og Ragnar Bjarni Gröndal eiga von á sínu fyrsta barni saman en fyrir á Ragnar eina dóttur. Á dögunum tilkynnti parið vinum og vandamönnum kyn barnsins á óvenjulegan hátt.
„Þessi hugmynd kom um leið og ég varð ólétt og kom algjörlega frá honum,“ segir Emelía í samtali við Bleikt.
„Við erum mikið bílaáhugafólk og kom þetta örugglega engum sem þekkir okkur á óvart. Við vorum með voðalega einfalda veislu með þeim nánustu heima hjá mömmu minni. Þegar allir voru mættir þá fórum við út og það var spólað. Það kom mikill, þykkur blár reykur og buðum við svo öllum upp á súpu og brauð.“
Myndbandið af tilkynningunni má sjá hér að neðan: