Ævar Þór Benediktsson, betur þekktur sem Ævar vísindamaður, eignaðist sitt fyrsta barn þann 11. ágúst með unnustu sinni, Védísi Kjartansdóttur. Ævar segir að öllum heilsist vel og að nýfæddi sonurinn hafi verið fimmtán merkur og um 53 sentímetrar þegar hann kom í heiminn.
Ævar kom nýlega fram í ítarlegu viðtali hjá DV þar sem ræddi um foreldrahlutverkið framundan, verkefnin og ábyrgðina. „Maður reynir að standa sig eins vel og maður getur,“ segir Ævar um pabbahlutverkið.
„Ég var reyndar nýlega spurður: „Hvað ætlar þú að gera ef strákurinn þinn hefur svo engan áhuga á bókum?“ og ég svaraði að það væri bara í góðu lagi,“ segir Ævar.
„Það verður þá bara verkefni að vekja áhuga hans á bókum, alveg eins og ég veit að hann á eftir að fá áhuga á einhverju sem ég hef aldrei spáð í og þarf þá að kynna mér. Hann á örugglega eftir að kenna okkur báðum foreldrunum heilan helling og hafa áhrif á okkur á ótrúlegasta máta.“
Sjá einnig: Ævar kynntist unnustu sinni á sviði: Ástin kviknaði við fjarveru Stebba Hilmars
Bleikt óskar parinu hjartanlega til hamingju með snáðann.