fbpx
Laugardagur 16.febrúar 2019
Bleikt

Alfa gagnrýnir áfengisneyslu foreldra í kringum börn þeirra – „Það fylgir því mikið óöryggi að sjá og upplifa foreldra sína drukkna“

Ragna Gestsdóttir
Sunnudaginn 12. ágúst 2018 18:30

Ekki missa af Helstu tíðindum dagsins í pósthólfið þitt

Lesa nánar

Alfa Jóhannsdóttir minnir á það í nýlegri stöðufærslu á Facebook að áfengi og börn fara ekki saman. Alfa starfar sem sérfræðingur í félagsmálum barna og verkefnastjóri innleiðingar Barnasáttmála Sameinuðu Þjóðanna hjá Akureyrarbæ og var tilefni stöðufærslunnar vera hennar á Fiskideginum á Dalvík í gær og segist hún hafa séð of mörg dæmi um það þar hvaða áhrif áfengisneysla foreldra hefur á börn þeirra.
„Það á ekki að vera samasem merki milli neinna athafna eða viðburða og þess að það sé allt í einu ókey að drekka sig fullan með börnunum sínum,“ segir hún og ítrekar að börn eigi rétt á öryggi, en upplifi mikið öryggi að sjá og upplifa foreldra sína drukkna.
Nefnir hún einnig að börn sem eru vön þessu athæfi hafi verið sett í aðstæður sem þau eigi aldrei að vera sett í og að áfengisneysla foreldra geti valdið kvíða og þunglyndi hjá börnunum.
„Verum fyrirmyndir en ekki hálfvitar,“ segir Alfa.
 
Svona er stöðufærslan í heild sinni:
Ég er búin að fara á nokkrar útihátíðir og í ferðalög í sumar. Þetta var allt sjúklega skemmtilegt og fáránlega gaman. Ég var í ólíkum hlutverkum samt, stundum bara fullorðinn einstaklingur að skemmta mér með vinum mínum og stundum fullorðinn einstaklingur að skemmta mér með börnunum mínum.
Því langar mig að minna á eitt: áfengi og börn fara aldrei saman.
A L D R E I.
Ekki bara einu sinni á ári, ekki bara spari, ekki bara á áramótunum, ekki bara á útihátíð eða ættarmóti, bara aldrei. Börn eiga rétt á að upplifa foreldra sína aldrei drukkna.
Börn eiga rétt á öryggi og það fylgir því mikið óöryggi að sjá og upplifa foreldra sína drukkna. Þau börn sem eru vön því, hafa verið sett í aðstæður sem þau eiga aldrei að vera sett í. Aðstæður sem hæfa ekki börnum. Örygginu hefur verið kippt undan þeim og ábyrgð lögð á þau sem þau eiga aldrei að þurfa að bera. Áfengisneysla foreldra getur valdið kvíða og þunglyndi hjá börnum.
Það á ekki að vera samasem merki milli neinna athafna eða viðburða og þess að það sé allt í einu ókey að drekka sig fullan með börnunum sínum.
Eg sá of mikið af svona dæmum í gær á Fiskideginum, og hef séð of mikið af svona dæmum í lífinu.
Þetta er ekki í lagi. Ef þú ert að lesa þetta og ert komin/n í vörn yfir svona hegðun hjá þér eða þínum þá er ekki of seint að snúa dæminu við og læra af reynslunni.
Börn eiga rétt á heilbrigðum samverustundum með fjölskyldunni og sú vísa er aldrei of oft kveðin að það læra börnin sem fyrir þeim er haft.
Verum fyrirmyndir en ekki hálfvitar.
Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 2 dögum

Kærastan sendir Rúrik einlæga ástarjátningu: „Takk fyrir að vera maður drauma minna“

Kærastan sendir Rúrik einlæga ástarjátningu: „Takk fyrir að vera maður drauma minna“
Bleikt
Fyrir 2 dögum

Kylie Jenner og Ariana Grande misstu milljónir fylgjenda í gær

Kylie Jenner og Ariana Grande misstu milljónir fylgjenda í gær
Bleikt
Fyrir 3 dögum

Kristín Rut var á geðdeild með nýfætt barn: „Langaði helst að drepa sjálfa mig og hana“

Kristín Rut var á geðdeild með nýfætt barn: „Langaði helst að drepa sjálfa mig og hana“
Bleikt
Fyrir 3 dögum

Ásdís Rán: „Allar konur vilja gjafir og rómantík, þó þær séu rauðsokkur“

Ásdís Rán: „Allar konur vilja gjafir og rómantík, þó þær séu rauðsokkur“
Bleikt
Fyrir 3 dögum

Taktu prófið: Aðeins fólk með háa greindarvísitölu nær öllu rétt

Taktu prófið: Aðeins fólk með háa greindarvísitölu nær öllu rétt
Bleikt
Fyrir 4 dögum

Flugfreyja selur fallega íbúð: 66 fermetrar á 35 milljónir

Flugfreyja selur fallega íbúð: 66 fermetrar á 35 milljónir
Bleikt
Fyrir 5 dögum

Þóttist hafa gengið undir róttæka lýtaaðgerð og plataði mörg hundruð þúsund manns – „Þú ættir að drepa þig“

Þóttist hafa gengið undir róttæka lýtaaðgerð og plataði mörg hundruð þúsund manns – „Þú ættir að drepa þig“
Bleikt
Fyrir 5 dögum

Lára fór til lýtalæknis eftir atvik í Versló: Kennari notaði nefið sem sýnishorn

Lára fór til lýtalæknis eftir atvik í Versló: Kennari notaði nefið sem sýnishorn

Tarot Spil

Veldu þér spil og sjáðu spádóm þinn.