Bleikt

Original kjúklingalæri í ofni – Fljótlegt og ofboðslega gott

Fagurkerar
Mánudaginn 23. júlí 2018 11:00

Ég er mjög hrifin af fljótlegri matargerð sem lætur matinn bragðast eins og maður hafi verið hálfan daginn að brasa yfir pottunum. Ég hika ekki við að nýta mér krydd og aðferðir sem einfalda eldamennskuna til muna. Þessi krydd frá McCormick í línunni Bag’N season eru algjör snilld og þá sérstaklega original chicken pokinn frá þeim.

Uppskriftin er einföld ef uppskrift má kalla

1 pakki úrbeinuð kjúklingalæri (það má einnig nota hvaða bita sem er, með beinum eða beinlausa eftir smekk)
1 poki Bag’N Season poki
1 dl hveiti
1/2 dl Mjólk

Aðferð :

Opna lærapakkann og helli mjólkinni yfir lærin þannig að hún dreifist yfir öll lærin. Þetta gerir það að verkum að kryddið festist vel á bitunum.
Opna pokann sem fylgir með og helli kryddblöndunni úr pokanum ofan í ásamt 1 dl af hveiti. Hristi pokann þannig að allt blandist saman áður en lærin fara út í.
Skelli lærunum út í og þá er bara að velta bitunum vel og lengi inn í pokanum þar til allt er orðið vel húðað.

Ég raða bitunum á bökunarplötu með bökunarpappír á – Mér persónulega finnast bitarnir festast síður við ef ég nota bökunarpappírinn í stað álpappírs.
Yfir bitana set ég smá ólífuolíu áður en ég set plötuna inn í ofn á 200 gráðum í sirka 45 mínútur.
Mikilvægt að vera viss um að allt kjúklingakjöt sé fulleldað fyrir neyslu.

Þegar kjúklingurinn er kominn inn þá fer ég að útbúa meðlætið.
Sætar kartöflur passa mjög vel með þessum rétti og ég skar að þessu sinni kartöfluna niður í bita og nota sömu kryddblöndu og ég nota þegar ég geri sætkartöflufranskarnar mínar, sjá hér.

Sætu kartöflurnar fara inn í sirka hálftíma og stilli þá ofninn á blástur á meðan þannig að bæði kjúklingurinn og kartöflurnar fái nægan hita.

Ég gerði einnig æðisleg hrísgrjón með þessum rétti sem passa vel með. Ég set paprikukrydd út í vatnið og sýð grjónin upp úr smjöri og kryddinu, það gefur bæði gott bragð og fallegan lit.

Eftir um 45 mínútur er kjúklingurinn tilbúinn, sætu kartöflunar gullinbrúnar og grjónin tilbúin.

Mér finnst passa vel að vera með tilbúna gráðaostasósu með þessu sem ég kaupi frá Krónunni.

Verði ykkur að góðu.

Færslan er skrifuð af Hönnu Þóru og birtist upphaflega á Fagurkerar.is

Hægt er að fylgjast með Hönnu á Snapchat undir notandanafninu: hannzythora

Fagurkerar
Fagurkerar.is er ein af stærstu bloggsíðum landsins og samanstendur af þeim Hönnu Þóru, Hrönn, Siggu Lenu, Tinnu, Anítu Estívu og Þóreyju. Allar eiga þær það sameiginlegt að vera miklir fagurkerar á mismunandi sviðum.
Við leggjum okkur fram við að vera fræðandi, skemmtilegar og persónulegar. Einnig leggjum við áherslu á það að sýna lífið eins og það er í raun og veru.

www.fagurkerar.is

Þið finnið okkur á Snapchat, Instagram og Facebook undir : Fagurkerar
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 1 viku

Björgvin sýnir hina hliðina: „Ég myndi gefa Geir Ólafs hárblásarann minn, ég þarf hann ekki lengur“

Björgvin sýnir hina hliðina: „Ég myndi gefa Geir Ólafs hárblásarann minn, ég þarf hann ekki lengur“
Bleikt
Fyrir 1 viku

Rósa sér eftir því að hafa keppt í módelfitness: „Ég þróaði með mér kvíða félagsfælni, þunglyndi og átröskun. Allt í þeim eina tilgangi að verða fit og mjó“

Rósa sér eftir því að hafa keppt í módelfitness: „Ég þróaði með mér kvíða félagsfælni, þunglyndi og átröskun. Allt í þeim eina tilgangi að verða fit og mjó“