fbpx
Bleikt

Ragga nagli – „Kortleggðu ferlið þitt“

Ragna Gestsdóttir
Þriðjudaginn 17. júlí 2018 11:00

Ragga Nagli er klínískur heilsusálfræðingur og einkaþjálfari. Á Facebook heldur hún úti vinsælli síðu þar sem hún birtir reglulega pistla um hreyfingu, mataræði og fleira. Í þessum fjallar hún um að fylgja sama ferli svo að æfingar verði hluti af venjum.

 

Til að koma heilsuvenju eins og reglulegri líkamsrækt upp í rótgróinn hluta af sjálfinu er mun mikilvægara að einblína á að missa ekki úr æfingu, frekar en að hanga eins og rolla á girðingastaur í að gala út markmið um hvippinn og hvappinn.

Því ef þú missir ekki úr æfingu þá muntu ná markmiðinu.

Hvort sem það er að verða sterkari, hlaupa lengra, gera betri jafnhöttun, hoppa hærra eða róa hraðar.

Með því að skuldbinda þig sjálfu ferlinu kemurðu því upp í vana og horfir í gegnum langtímagleraugun.

En ef venjan er ekki til staðar og þú ferð í ræktina hipsum haps og þegar hentar og módjóið er í botni, þá falla öll markmið örend eins og í Örlygsstaðabardaga.

Ferlið fyrst. Síðan markmiðið.

Kortleggðu síðan ferlið þitt.

Ef þú ætlar að róta í gegnum skúffurnar að finna æfingaspjarir meðan þú græjar börnin í skólann á morgnana ertu á hraðri leið til uppgjafar.

Þú þarft að kortleggja leiðina til að mæta á æfingar.
Þú þarft að hafa algóriþma sem er röð af skrefum sem er ætlað að framleiða sömu niðurstöðu aftur og aftur. Eins og uppskrift að skúffuköku. Ef þú fylgir skrefunum færðu sömu ljúffengu kökuna, eða hegðun, aftur og aftur.

Skrifaðu niður þinn algóriþma.

„Til þess að æfa á morgnana ætla ég að leggja fram æfingafötin kvöldið áður.“

„Til þess að æfa eftir vinnu ætla ég að pakka í æfingatöskuna áður en ég fer úr húsi á morgnana.“

„Til þess að æfa á kvöldin ætla ég að fara í æfingafötin eftir kvöldmat.“

Þannig verða fötin að sjónrænni áminningu um að fara á æfingu.

Þú þarft því ekki að mótivera sjálfan þig daglega með myndum af spriklandi skrokkum á Instagram.

Facebooksíða Röggu nagla.

Ragna Gestsdóttir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 2 dögum

Þriggja mánaða sonur Maríu Gróu er með kíghósta – Biðlar til fólks að bólusetja börnin sín

Þriggja mánaða sonur Maríu Gróu er með kíghósta – Biðlar til fólks að bólusetja börnin sín
Bleikt
Fyrir 3 dögum

Ellen hélt óhefðbundna kynjaveislu sem vakið hefur athygli um allan heim

Ellen hélt óhefðbundna kynjaveislu sem vakið hefur athygli um allan heim
Bleikt
Fyrir 3 dögum

Giftu sig sem Bósi ljósár og Viddi – Gestirnir í Disney búningum

Giftu sig sem Bósi ljósár og Viddi – Gestirnir í Disney búningum
Bleikt
Fyrir 3 dögum

Svona getur neysla fíkniefna farið með þig – Fyrir og eftir myndir

Svona getur neysla fíkniefna farið með þig – Fyrir og eftir myndir