Flestar konur fara á blæðingar einu sinni í mánuði. Á þeim tíma eru margar konur kynferðislega virkari og er það mjög eðlilegt. Hins vegar eiga margir erfitt með að hugsa til þess að stunda munnmök á meðan á blæðingum stendur. En er það í raun og veru í lagi?
Popsugar spurði kvensjúkdómalækninn dr. Alex Ferro nokkura spurninga um munnmök á blæðingum.
Ef hvorug manneskjan hefur kynsjúkdóm eiga munnmök á blæðingum að vera í lagi. Það eru þó nokkrir kynsjúkdómar sem geta borist með blóði og má þar nefna HPV, HIV og sárasótt.
Þetta er persónubundið. Ef konan er ekki með neina kynsjúkdóma þá má segja að hreinlætið sé í lagi. En ef litið er til lyktar og blóðs þá að sjálfsögðu skiptir skoðun hvers og eins máli. Sá sem framkvæmir munngælurnar gæti fundið sterkari lykt og málmbragð. Ef konan er óörugg með aðstæður þá eyðileggur það líka stemminguna fyrir henni.
Það er algjörlega þitt val. Margar konur eru kynferðislega virkari meðan á blæðingum stendur og myndu taka vel í munnmök á meðan öðrum konum finnst það ekki í lagi. Það sem skiptir máli er að báðir aðilar njóti. Dr. Alex Ferro ráðleggur fólki að ef báðir aðilar hafa áhuga á því að stunda munnmök og séu lausir við alla kynsjúkdóma þá sé ekkert því til fyrirstöðu. Hann mælir með því að fólk noti annað hvort túrtappa eða álfabikar til þess að halda munnmökunum eins hreinlegum og hægt er.