Samantha Markle, hálfsystir Meghan Markle, er ekki par ánægð með maka hertogaynjunnar af Sussex, hann Harry Bretaprins.
Fréttamiðilinn The Sun greinir frá þessu en þar kemur fram að Samantha hafi snúið sér að Twitter-aðgangi sínum með óánægju sína á Harry og yngri hálfsystur sinni. Á samfélagsmiðlinum kallaði hún Meghan „Hertogaynju vitleysunnar“ og segir að Harry Bretaprins hafi frekar átt að kvænast sinni fyrrverandi, leikkonunni og fyrirsætunni Cressidu Bonas. Ástæðuna segir hún vera vegna þess að persónuleiki hennar er meira í líkingu við móður hans, Díönu prinsessu.
Samantha kallaði Harry aumingja og segir að yngri hálfsystir hennar vaði yfir hann og alla sem hafa staðið henni nálægt, að þetta eigi sérstaklega við um fjölskyldumeðlimi.
„Díana hefði skammast sín,“ segir hún hvöss og hvetur Bretaprinsinn til þess að „hætta að ganga í undirfatnaði eiginkonu sinnar,“ en jafnframt að hann þurfi að „hrifsa buxurnar sínar til baka frá henni.“
Samkvæmt fréttamiðlinum hafa systurnar ekki talast við í allt að áratug.
