Bleikt

Ragga nagli: „Það sem gefur langtímaárangur er að tileinka sér færni“

Ragna Gestsdóttir
Miðvikudaginn 4. júlí 2018 11:00

Ragga Nagli er klínískur heilsusálfræðingur og einkaþjálfari. Á Facebook heldur hún úti vinsælli síðu þar sem hún birtir reglulega pistla um hreyfingu, mataræði og fleira. Í þeim nýjasta fjallar hún um hver besta leiðin er til að breyta lífi þínu.

Besta leiðin til að breyta lífi þínu er að breyta bara einu í einu.

Með því að mastera eina heilsuvenju í einu og endurtaka ferlið fyrir næstu venju.

Þegar þú lærir á gítar þá byrjarðu á að læra nóturnar.
Gripin.
Hljómana.

Eftir einhverja mánuði eða ár geturðu glamrað lagstúf.
Eftir fleiri mánuði geturðu spilað utanbókar.
Síðan geturðu tekið við óskalögum í partýum.

„Spilaðu eitthvað sem allir þekkja“ garga þeir.

Og enn síðar farið að semja þín eigin lög.

Það blóðgar enginn fingurna í sólóspili á fyrstu vikunni í tónfræði.

Það mætir enginn á fyrsta degi í Tónskóla Garðabæjar, leggst í gólfið og lætur gítarinn grenja.

Það pikkar enginn upp gítar í fyrsta skipti í Tónabúðinni í Skipholti og spilar Stairway to heaven.

Þú þarft að tileinka þér færni, tækni, þekkingu.
Þú slærð feilnótur. Gerir mistök. Missir gítarnöglina. Spilar rammfalskt.
Þú æfir þig og æfir þig og æfir þig.
Þú færð kennslu.
Þú lærir af mistökunum.
Þú gerir færri og færri mistök.
Glamrið fer að mynda heil lög.

Sama gildir um að tileinka sér nýja heilsuhegðun eins og að breyta mataræðinu.

Það er eins og að læra á hljóðfæri eða nýtt tungumál.

Lykilatriðið til að ná langvarandi árangri og festa heilsuhegðun í sessi er að nálgast það eins og að læra nýja færni.

Þú byrjar á grunnatriðunum.

🔹Borða 3-4 máltíðir á dag
🔹Prótíngjafi í hverri máltíð
🔹Setjast niður í hverri máltíð
🔹Finna fyrir hungri 30-60 mínútur fyrir máltíð
🔹Skipta í minni diska og hnífapör
🔹Hætta að borða þegar þú ert passlega saddur

Þegar þú hefur náð tökum á grunnatriðum og þau fljóta eins og ómþýður djass á Rás 1 geturðu farið að bæta við.
Þú æfir þig og æfir þig.
Þú gerir mistök en nýtir þau sem lærdóm.
Hvað virkar. Hvað virkar ekki.

Megrunarröddin skilur ekki þessa nálgun og hamast á hjarnanum eins og krakki í nammibúð.

Hún vill að þú masterir allar máltíðir dagsins fyrstu vikuna í nýjum kúr eins og fagmaður í faginu.
Allt annað er klúður af þinni hálfu og lýsir þínum innri manni sem landeyðu og sóun á súrefni.
Hvert át á að vera stjörnum prýdd hollusta frá A til Ö.
Þú nærist svo mikið í núvitund að Gummi Ben er fenginn til að lýsa viðburðinum.

Megrunarröddin vill óraunhæfa 100% frammistöðu í stuttan tíma.
En það sem gefur langtímaárangur er að tileinka sér færni sem þú getur plokkað upp úr rassvasanum undir hvaða kringumstæðum sem er.

Facebooksíða Röggu nagla.

Ragna Gestsdóttir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 6 dögum

Hann sá ungbarn í búðinni – Þegar hann leitaði betur var það horfið

Hann sá ungbarn í búðinni – Þegar hann leitaði betur var það horfið
Bleikt
Fyrir 6 dögum

George Clooney fluttur á sjúkrahús eftir mótorhjólaslys

George Clooney fluttur á sjúkrahús eftir mótorhjólaslys
Bleikt
Fyrir 6 dögum

Íslandsvinur bjargaði hákarli á Nýja-Sjálandi

Íslandsvinur bjargaði hákarli á Nýja-Sjálandi
Bleikt
Fyrir 1 viku

Barnaspítalinn heimili fjölskyldunnar: „Lífið breytist mikið þegar maður á veikt barn“

Barnaspítalinn heimili fjölskyldunnar: „Lífið breytist mikið þegar maður á veikt barn“
Bleikt
Fyrir 1 viku

Lítt þekkt ættartengsl: Ráðherrann og forstjórinn

Lítt þekkt ættartengsl: Ráðherrann og forstjórinn
Bleikt
Fyrir 1 viku

Chrissy Teigen deilir mynd af brjóstagjöf á Instagram – „Ég á líklega tvíbura núna“

Chrissy Teigen deilir mynd af brjóstagjöf á Instagram – „Ég á líklega tvíbura núna“