fbpx
Bleikt

Aníta Rún má ekki ganga fulla meðgöngu vegna hættu á axlarklemmu í fæðingu

Lady.is
Fimmtudaginn 28. júní 2018 10:00

Ég er svo ótrúlega mikið spurð af hverju ég verð sett af stað fyrir settan dag. Þannig er nú mál með vexti að Benjamín lenti í axlarklemmu.

Hvað er axlarklemma?
Axlarklemma er alvarlegt bráðatilvik í fæðingu þar sem öxl barnsins klemmist upp að lífbeini móðurinnar þegar höfuðið er fætt, barnið situr fast og kemst ekki í heiminn án aðstoðar.

Hvernig er axlarklemma hættuleg?
Afleiðingar axlarklemmu geta meðal annars verið viðbeinsbrot, köfnunardá (súrefnisskortur) og tímabundinn eða varanlegur taugaskaði hjá barninu. Í verstu tilfellum fara þessir þættir saman. Taugaskaðinn verður vegna þess að þegar togað er í höfuð barnsins til að koma því í heiminn þá togna eða trosna taugar sem liggja niður í handlegg barnsins eða þær jafnvel slitna með tilheyrandi lömun.

Baltasar var 17 merkur(4,2kg) og 54 cm þegar hann fæðist eftir 40 vikur og 3 daga.
Benjamín var 18 merkur (4,5kg) og 55 cm þegar hann fæðist eftir 40+1 dag.

Ég fæði semsagt frekar stór börn á settum tíma. Ég hef aldrei verið greind með meðgöngusykursýki sem gæti útskýrt stærð strákanna og er þessi meðganga ekkert öðruvísi.
Þar sem ég er bara 158,5 cm á hæð og er ég ekki stórvaxin, átti ég erfitt með að koma Benjamín í heiminn.

Það verður því passað vel upp á að stelpan sem ég geng með núna verði ekki yfir 4 kg.
Núna mun ég fara í vaxtarsónar við 37 viku til að athuga hversu stór hún er, og ef hún er yfir 4 kg þá verður hún tekin með keisara. Annars verð ég sett af stað við 38 viku.

Ég er ótrúlega hrifin af því hvað þessu er tekið alvarlega og passað vel upp á mig og stelpuna mína. Þykir ótrúlega vænt um það.

Ljósmóðir skaut að okkur eftir síðustu fæðingu að við ættum hreinilega ekki að eignast annað barn, en þegar ég sagði heimaljósunni minni það þá varð hún alveg brjáluð og sagði að svo væri ekki, heldur yrði ég bara undir auknu eftirliti.

Þegar við komumst að því að við værum aftur ófrísk ( sem var alls ekki planið ) þá var þetta það fyrsta sem við hjónin höfðum áhyggjur af og hefði ég mjög líklega ekki látið mig ganga í gegnum erfiða meðgöngu og mögulega lenda í því sama. Er ég því ótrúlega þakklát fyrir að hafa yndislega ljósmóður í eftirlitinu og er fæðingarlæknirinn algjör draumur.

Hef fulla trú á að næsta fæðing verði sú allra besta!

Færslan er skrifuð af Anítu Rún og birtist upphaflega á Lady.is
Hægt er að fylgjast með Anítu á Snapchat undir notandanafninu: anitarung
og Instagram: anitarg

Lady.is
Lady.is eru átta hressar dömur, Gabríela, Snædís, Guðrún Birna, Aníta Rún, Sunna Rós, Jórunn María, Sæunn Tamar og Rósa Soffía með mismunandi áhugamál. Skrifum um móðurhlutverkið,
lífsstíl, heimilið, uppskriftir, snyrtivörur og fleira.
Þið finnið okkur undir:
www.lady.is
www.instagram.com/lady.is_
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Drengirnir eru fundnir

Ekki missa af

Bleikt
Í gær

6 góð ráð gegn meðgöngukláða

6 góð ráð gegn meðgöngukláða
Bleikt
Í gær

Nú getur þú kúkað glimmeri – En við mælum ekki með því

Nú getur þú kúkað glimmeri – En við mælum ekki með því
Bleikt
Fyrir 2 dögum

Ósáttur faðir hefur fengið nóg og húðskammar dóttur sína – Myndbandið sem hefur vakið heimsathygli

Ósáttur faðir hefur fengið nóg og húðskammar dóttur sína – Myndbandið sem hefur vakið heimsathygli
Bleikt
Fyrir 2 dögum

Tobba og Kalli telja niður í settan dag – Grenja?

Tobba og Kalli telja niður í settan dag – Grenja?