fbpx
Bleikt

Lausaganga hunda orðið vandamál: „Manni er náttúrulega nóg boðið þegar þeir eru farnir að míga inn til manns“

Aníta Estíva Harðardóttir
Þriðjudaginn 26. júní 2018 15:00

„Það er nánast alltaf hundaskítur í garðinum fyrir framan húsið hjá okkur, alveg óþolandi.“ Segir kona í samtali við blaðamann, sem er komin með nóg af lausagöngu hunda í hverfinu sínu.

Konan sem ekki vill láta nafn síns getið, hefur reglulega kvartað á íbúasíðu á samfélagsmiðlum vegna vandamálsins og hafa margir íbúar tekið undir með henni. Um er að ræða hverfi á holtinu í Hafnarfirði en þar virðist mikið af fólki hleypa hundunum sínum lausum út sem ganga á milli garða og míga og skíta.

Ástæðan fyrir því að konan ákvað að kvarta enn eina ferðina var vegna þess að undanfarið hefur hundur, sem gengur lausagang í hverfinu, komið reglulega heim til hennar og mígið utan í dyrnar hjá henni.

Lausaganga hunda bönnuð í þéttbýli

„Það er algjörlega óþolandi að þurfa að þrífa upp hland í forstofunni. Það tekur hundinn bókstaflega innan við mínútu að hlaupa að húsinu og míga. Fyrir utan það að lausaganga hunda er bönnuð í þéttbýli.“

Konan er sjálf mikill dýravinur og á hún bæði hund og tík sem hún telur líklegt að þessi ákveðni hundur sé að sækjast í.

Hlandið sem berst inn í forstofu konunnar

„Ég held að þetta sé bara eitthvað diss, eitthvað varðandi yfirráðasvæði. Þetta er greinilega alltaf sami hundurinn. Ég hef ekkert neikvætt um gæludýrahald fólks að segja, nema þá helst lausagöngu hunda. Það er þá vegna þessa, hundaskíts út um allt og öryggi annara hunda og barna. Það er alveg sérstaklega mikið um þetta hérna uppi á holti. Ég ætlaði einu sinni að nálgast boxer tík sem var laus. Hún elti konu sem var skíthrædd við hana, hljóp svo að húsinu sínu og hleypti mér ekki nálægt sér og urraði á mig. Ég komst svo að því frá starfsmanni leikskólans þarna nálægt að þessi tík væri oft laus.“

Segir hún vandamálið orðið of algengt í hverfinu og að fólk virðist ekki taka kvartanir alvarlega.

„Ég hef röflað um þetta áður hérna inni. Manni er náttúrulega nóg boðið þegar þeir eru farnir að míga inn til manns!!!“

Aníta Estíva Harðardóttir
Aníta Estíva Harðardóttir er umsjónarmaður Bleikt á DV. Hún hefur stundað nám við félagsfræði, fjölmiðlafræði, leikstjórn og framleiðslu.

Netfang: anita@pressan.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 2 dögum

Arnar reynir að taka alvarlegt viðtal við tvíburabróður sinn – Útkoman er sprenghlægileg

Arnar reynir að taka alvarlegt viðtal við tvíburabróður sinn – Útkoman er sprenghlægileg
Bleikt
Fyrir 2 dögum

Góð ráð Svandísar um lestarferð í Evrópu: „Ef eitthvað virkar of gott til að vera satt – þá er það of gott til að vera satt“

Góð ráð Svandísar um lestarferð í Evrópu: „Ef eitthvað virkar of gott til að vera satt – þá er það of gott til að vera satt“
Bleikt
Fyrir 4 dögum

Þrífætta, eyrnalausa kanínan Mimi á allskonar hekluð gervieyru

Þrífætta, eyrnalausa kanínan Mimi á allskonar hekluð gervieyru
Bleikt
Fyrir 5 dögum

Dagbjört misbauð sjálfri sér með áfengisneyslu: „Fljótlega fór þörfin til þess að deyfa mig með víni vaxandi“

Dagbjört misbauð sjálfri sér með áfengisneyslu: „Fljótlega fór þörfin til þess að deyfa mig með víni vaxandi“