fbpx
Bleikt

Fjölskylduvinur Anítu áreitti hana kynferðislega í fjölda ár: „Hann talaði ógeðslega við mig og manninn minn , sagðist vilja ríða okkur báðum“

Ritstjórn Bleikt
Fimmtudaginn 21. júní 2018 21:00

Þegar Aníta Guggudóttir var barn lagði fjölskylduvinur til margra ára það í vana sinn að strjúka á henni bakið og lærin. Mörgum árum seinna þegar Aníta var orðin eldri áreitti sami maður hana kynferðislega á netinu. Það var þá sem Aníta ákvað að leggja fram kæru á hendur honum sem hún sigraði loksins núna, fjórum árum seinna.

„Það var alveg sama hvað ég sagði, það hlógu allir af þess af því að auðvitað vildi enginn sjá að þetta væri áreiti, enda hafði hann verið fjölskylduvinur í mörg ár,“ segir Aníta á bloggsíðu sinni.

Vildi stunda kynlíf með henni og manninum hennar

„Það var alveg sama hvað ég sagði. Ég vildi til dæmis ekki fara með í heimsókn til hans en ég átti bara að fara með. Því lengra sem leið fór mér að líða verr og vildi helst ekki vera nálægt honum. Hann hló á sama tíma og hann strauk bakið á mér og lærin.“

Það var svo árið 2014 sem fjölskylduvinur Anítu flutti úr landi og missti þá greinilega allt niðrum sig.

„Hann missti sig alveg í ruglinu og fór að reyna við mig á netinu. Talaði ógeðslega við mig og manninn minn og fór að segja að honum langaði að ríða okkur. Taka manninn minn í rassinn og að hann ætti að taka sig í rassinn líka, allskonar svona ógeðslegt tal. Svo liðu dagarnir og hann lét mig ekki í friði. Áreitti mig endalaust á netinu sem fór svo út í það að hann var að senda mér typpamyndir og svo myndir af öðrum mönnum vera að taka hvorn annan.“

Dæmdur fjórum árum síðar

Á þessum tímapunkti stóð Anítu ekki lengur á sama og leitaði til lögreglunnar.

„Ég bað um að fá að kæra manninn og fór það í ferli. Ég sá fyrir mér að lítið yrði gert í þessu en árið 2016 var hringt í mig og mér sagt að þetta væri komið á borð Dómsmálaráðherra. Svo núna í byrjun sumars 2018 var hann kallaður til þingfestu. Svo liðu dagarnir og konunni hans var tilkynnt að hún mætti ekki hafa samband við mig meðan á málinu stóð. Þann 31 maí síðastliðinn fékk hann svo loksins á sig dóm og tveggja ára skilorð. Nú vonandi lærir hann að áreita fólk ekki frekar.“

Ritstjórn Bleikt
Lokað er fyrir athugasemdir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 2 dögum

Arnar reynir að taka alvarlegt viðtal við tvíburabróður sinn – Útkoman er sprenghlægileg

Arnar reynir að taka alvarlegt viðtal við tvíburabróður sinn – Útkoman er sprenghlægileg
Bleikt
Fyrir 2 dögum

Góð ráð Svandísar um lestarferð í Evrópu: „Ef eitthvað virkar of gott til að vera satt – þá er það of gott til að vera satt“

Góð ráð Svandísar um lestarferð í Evrópu: „Ef eitthvað virkar of gott til að vera satt – þá er það of gott til að vera satt“
Bleikt
Fyrir 4 dögum

Þrífætta, eyrnalausa kanínan Mimi á allskonar hekluð gervieyru

Þrífætta, eyrnalausa kanínan Mimi á allskonar hekluð gervieyru
Bleikt
Fyrir 5 dögum

Dagbjört misbauð sjálfri sér með áfengisneyslu: „Fljótlega fór þörfin til þess að deyfa mig með víni vaxandi“

Dagbjört misbauð sjálfri sér með áfengisneyslu: „Fljótlega fór þörfin til þess að deyfa mig með víni vaxandi“