Hér eru nokkur ráð sem ég hef verið að nota, flest þeirra eru um hvernig eigi að fá góða lykt á heimilið svo það hljómar svolítið eins og það lykti illa heima hjá mér haha, en það er alls ekki þannig, ég bara elska góða lykt!
- Setja nokkra ilmolíudropa í bleyttan bómul og geyma á ofni, nota þetta aðallega inná baðherbergi og inni herbergjum sem ilmolíulampinn nær ekki til.
- Setja klósetthreinsi á fúguna á baðherbergis flísunum og láta liggja á í 10-15 min og fara yfir með tannbursta og bíða aftur í 10 min og skúra svo yfir með heitu vatni. Mér finnst þetta þæginlegra en að skrúbba með scrubstone/pinkstuff og sem betur fer þarf maður ekki að gera þetta oft. (Ef þið vitið um fljótlegri leiðir þá endilega sendið á mig)
- Þökk sé Sigrúnu Sigurpáls þá eiga held ég flestir ilmkúlur. Ég hef verið að setja ca 2-3 kúlur í brúsa, ca tsk matarsódi og vatn (muna hrista vel þangað til kúlurnar leysast upp) og spreyja því inni á baðherbergið þegar þarf. Svo getið þið búið til ykkar eigið „þvottasprey“ með þessari aðferð en nota ilmoliudropa í staðin fyrir kúlurnar.
- Sjóða vatn í potti og skella nokkrum vanilludropum í. Heimilið mun ilma eins og nýbökuð kaka!
- Ég haaata að skera lauk og lykta eins og laukur i marga daga eftir á þrátt fyrir endalausa þvotta og sápur. Það sem þú getur gert er að nudda tómatasafa á hendurnar og voila lyktin farin! Getur líka notað salt.
- Ef þú ert að setja föt í þurrkara og vilt flýta aðeins fyrir, skelltu með einu þurru handklæði í þvottinn.
- Þegar þú ert búin að þrífa klósettið með klósettburstanum, leyfðu þá burstanum að þorna á klósettinu með því að setja setuna niður þannig að haldið á burstanum sé á milli skálarinnar og setunnar þannig bleytan á burstanum fer þá í klósettið frekar en að safnast í einhverja drullu.
- Eg vil ekki nota mikið af efnum í eldhúsinu og er ekki hrifin af edikslykt.. þannig ég blanda uppþvottalögur (þarf ekki mikið!), vatn og sítrónu ilmdropa í spreybrúsa og nota það í eldhúsþrifin.
Hægt er að fylgjast með Gunni á Snapchat og Instagram undir notandanafninu: gunnurbjornsd
Færslan birtist upphaflega á Mæður.com