fbpx
Miðvikudagur 12.desember 2018
Bleikt

Það sem ég vissi ekki áður en ég varð mamma

Fríða B. Sandholt
Fimmtudaginn 14. júní 2018 15:00

Móðurhlurverkið er eitt það magnaðasta sem ég hef upplifað. Ég veit að það hljómar eins og klijsa, en ég gat ekki ýmindað mér þær tilfinningar sem ég upplifi sem móðir áður en ég átti börnin mín.
Ég er svo þakklát fyrir þetta sérstaka hlutverk og ég þakka fyrir það á hverjum degi að fá tækifæri til að vera með börnunum mínum. Vakna með þeim á morgnanna og kyssa þau góða nótt á kvöldin.
Lífið er ekki sjálfsagt og það eru forréttindi að fá að vera til staðar fyrir börnin sín.
Tökum ekki hverjum degi sem sjálfsögðum hlut. Njótum augnabliksins og lifum hvern dag með ást og kærleika í farteskinu.
Búum til góðar minningar bæði fyrir okkur sjálf of börnin okkar, því að þegar öllu er á botninn hvolft, þá eru það minningarnar sem sitja eftir þegar við kveðjum þetta líf.
Ég setti saman smá lista yfir það sem ég vissi ekki áður en ég varð mamma. Og það er merkilegt hvað hversdagslegir hlutir verða einstakir þegar maður er orðin foreldri.
Það sem ég vissi ekki áður en ég varð mamma
 
 ~ ÉG vissi ekki að maður gæti gleymt sársauka sem fylgir fæðingu á örskömmum sekúndum, þegar maður fær barn sitt í fangið
~ ÉG vissi ekki að það væri hægt að sitja í marga klukkutíma og horfa á sofandi barn
~ ÉG vissi ekki að manni gæti verkjað í hjartað, af væntumþykju einni saman
~ ÉG vissi ekki að ég gæti vakað heilu næturnar með grátandi barn í fanginu, en samt verið þakklát fyrir það
~ ÉG vissi ekki að ég gæti farið grátandi út í bíl, af söknuði, eftir að hafa farið með barnið mitt á leikskóla í fyrsta sinn
~ ÉG vissi ekki að barn gæti svæft mig á kvöldin, þegar ég hefði í rauninni átt að vera að svæfa það
~ ÉG vissi ekki hversu notalegt það er að sofna með barninu sínu á kvöldin, í allt of stuttu rúmi, með allt of litla sæng og vakna með snuddufar á kinnini tveim tímum seinna
~ ÉG vissi ekki hvað það er ólýsanlega yndisleg tilfinning að fylgjast með systkina ást barnanna sinna, frá því að þau hittust í fyrsta sinn á spítalanum
~ ÉG vissi ekki hvað margar tilfinningar bærast í mömmuhjartanu þegar barnið byrjar í grunnskóla
~ ÉG vissi ekki hvað heimavinna er í augum fullorðinna
~ ÉG vissi ekki að það væri hægt að vera eins stolt og raun bar vitni yfir litlum hlutum, eins og fyrsta orðinu, fyrstu skrefunum, fyrsta skóladeginum, fyrstu tönninni sem datt og fyrstu einkununum
~ ÉG vissi ekki hvað það gæti verið erfitt þegar barnið þurfti að fara á slysó í fyrsta sinn, og annað sinn, og þriðja sinn…..
~ ÉG vissi ekki að ég gæti breyst í ljónynju á örskömmum tíma ef eitthvað bjátaði á hjá barninu mínu og varið það með kjafti og klóm
~ ÉG vissi ekki að ég myndi vera tilbúin að fórna lífi mínu fyrir barnið mitt, sama hvað!
~ ÉG vissi ekki hvað móðurást er, fyrr en ég varð MAMMA
ÉG á þrjú börn sem ég elska út af lífinu og er svo þakklát fyrir á hverjum degi, þrátt fyrir erfiða daga stundum og blóð, svita og tár.
Lífið er núna ~ Lifum því eins vel og við getum
Hægt er að fylgjast með Fríðu á Snapchat undir notandanafninu: fridabsandholt
Færslan birtist upphaflega á bloggsíðu Fríðu.
Fríða B. Sandholt
Fríða er þriggja barna móðir og eiginkona og starfar sem sjúkraliði á Landspítalanum.

Fríða hefur brennandi áhuga á öllu sem viðkemur hönnun og hefur mjög gaman af því að innrétta heimili sitt. Einnig hefur hún mikinn áhuga á bakstri og kökuskreytingum og öllu sem því viðkemur.

Fríða heldur úti opnum Snapchat aðgangi undir nafninu: fridabsandholt
Og bloggsíðunni https://fridabsandholt.blogspot.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 1 viku

Hera landaði burðarhlutverki í Hollywood-stórmynd gegnum Skype

Hera landaði burðarhlutverki í Hollywood-stórmynd gegnum Skype
Bleikt
Fyrir 1 viku

Stjörnupörin sem skilja ekki: Þetta eru leyndarmálin á bak við farsælt samband

Stjörnupörin sem skilja ekki: Þetta eru leyndarmálin á bak við farsælt samband