Bleikt

Zumba styrktartími: Safnað fyrir Sigrúnu og börn hennar

Ragna Gestsdóttir
Miðvikudaginn 13. júní 2018 11:00

Sunnudaginn 17. júní næstkomandi kl. 10 verður Zumba tími í World Class Laugar þar sem safnað verður fyrir Sigrúnu Elisabeth og börn hennar, sem lentu í bílsslysi á Vesturlandsvegi þann 4. júní síðastliðinn.

Tíminn kostar 2.000 kr. og kennarar eru Anna C, Oddrún, Sigrún, Ester , Kristbjörg, Friðrik og fleiri.

Mánudaginn 4. júní síðastliðinn varð alvarlegt bílslys við Vesturlandsveg þar sem tvær bifreiðar skullu saman, fólksbifreið og stór fjölskyldubíll. Í fjölskyldubílnum var Sigrún ásamt 7 af börnum sínum og systursyni sínum. Ökumaður bifreiðarinnar sem fór framan á þau lést og slösuðust Sigrún og börnin. Sigrún er nýlega útskrifuð af gjörgæslu en einni dóttur hennar er enn haldið sofandi á gjörgæslu, en mun hún ná sér að fullu.

Bíllinn þeirra gjöreyðilagðist við áreksturinn og þó þau fengju eitthvað úr tryggingunum þá var þetta gamall bíll, en þeim bráðnauðsynlegur. Sigrún á 10 börn og þarf að geta ferðast á milli með allavega 8 þeirra í einu. Sigrún er í mastersnámi við sálfræðideild Háskóla Íslands og var nýlega byrjuð í sumarvinnu, sem hún sagði upp í kjölfar slyssins. Atvinnuöryggið er því ekki mikið og horfa þau á tekjutap ofan á það að þurfa að fjárfesta í bíl.

„Þetta er allt saman gríðarlega mikið áfall fyrir stóra fjölskyldu. Þess vegna langar okkur að aðstoða þau eins og við getum,“ segir í viðburði vegna styrktartímans.

„Hvað gerum við best, jú, við dönsum.
Nú dönsum við Zumba fyrir Sigrúnu og börnin hennar í brjálæðislega sveittum tíma á sjálfum Þjóðhátíðardeginum okkar. Tíminn kostar 2.000 krónur, margar hendur vinna létt verk og þetta getum við saman!“

Fyrir þá sem komast ekki en vilja styrkja hana:
Reikningurinn er 0545-14-408963 og kt: 100754-3129 og er á nafni (Anna Bergsteinsdóttir). Sigrún mun fá allan pening sem safnast á þann reikning.

Sigrún Elisabeth heldur úti síðu þar sem fylgjast má með stórfjölskyldunni.

Lestu einnig: 10 barna móðirin Sigrún:„Við mæðgur ætlum allavega að vera súper sterkar saman í sumar“

Lestu einnig: Tíu barna móðirin Sigrún lenti í alvarlegu bílslysi á Kjalarnesi:„Hún er ofurkona“

Ragna Gestsdóttir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 5 dögum

Hlutir sem nýir foreldrar vilja að þú vitir

Hlutir sem nýir foreldrar vilja að þú vitir
Bleikt
Fyrir 5 dögum

20 hjálpleg ráð til þess að fá ungabarnið þitt til þess að sofa betur

20 hjálpleg ráð til þess að fá ungabarnið þitt til þess að sofa betur
Bleikt
Fyrir 6 dögum

Ótrúlegar fyrir og eftir myndir – Settu heilsuna í fyrsta sæti

Ótrúlegar fyrir og eftir myndir – Settu heilsuna í fyrsta sæti
Bleikt
Fyrir 6 dögum

8 góð húsráð til að fá heimilið til þess að lykta guðdómlega

8 góð húsráð til að fá heimilið til þess að lykta guðdómlega
Bleikt
Fyrir einni viku

Hin hliðin á Heiðari: „Eigi skalt þú taka náunga þinn af lífi á internetinu“

Hin hliðin á Heiðari: „Eigi skalt þú taka náunga þinn af lífi á internetinu“
Bleikt
Fyrir 8 dögum

Sindri Eldon á von á sínu fyrsta barni: Björk verður amma

Sindri Eldon á von á sínu fyrsta barni: Björk verður amma