Bleikt

Íslenskt barn Boltaberi Kia á leik Íslands og Argentínu

Ragna Gestsdóttir
Miðvikudaginn 13. júní 2018 12:00

Rebekka Rut Harðardóttir, 12 ára Árbæingur,  verður Boltaberi Kia á fyrsta leik Íslands í sögu HM, þegar liðið mætir Argentínu þann 16. júní á Spartak Stadium í Moskvu.

Hátt í 300 börn frá öllu landinu sóttu um að vera Boltaberi Kia og komust 10 krakkar í lokaúrslit í þáttunum Söguboltanum á RÚV. Sigurvegarinn var tilkynntur með pompi og prakt í þættinum Áfram Ísland á RÚV.

„Ég elska fótbolta og var bara að gera það sem ég geri vanalega. Ég er mjög spennt þar sem þetta verður mikið ævintýri í Rússlandi en við fáum tækifæri til að skoða helstu staðina í borginni,“ segir Rebekka.

Kia Motors stendur fyrir valinu á Boltabera Kia fyrir fjölmarga leiki á HM í Rússlandi, þar sem þeir eru samstarfsaðilar FIFA og fékk Bílaumboðið Askja það verðuga verkefni að útnefna boltabera fyrir leik Íslands og Argentínu.

Börnin tíu sem komust í úrslit.

Börn fædd á árunum 2004-2007 sendu inn myndbönd þar sem þau sýndu ástríðu sína fyrir fótbolta og dómnefnd valdi 30 myndbönd af þeim í undanúrslit, en skoða má myndböndin hér.

Í lokakeppninni, sem haldin var á vegum RÚV, framkvæmdu þau 10 sem komust í lokaúrslit ýmsar þrautir meðal annars jafnvægisæfingar og fengu að sýna hæfni sína sem íþróttalýsendur.

„Okkur bauðst tækifæri til að fá að sækja um að senda boltabera fyrir Kia hönd á HM í Rússlandi. Við vorum mjög spennt þegar svarið var jákvætt og sóttum aukalega um þennan leik, Ísland-Argentína, sem við fengum. Verkefnið hefur verið virkilega skemmtilegt og frábært hversu margir flottir krakkar höfðu áhuga á hlutverkinu. Boltaberinn mun ganga með keppnisboltann inn á völlinn og afhenda fyrirliðum,“ segir Jón Trausti Ólafsson, framkvæmdastjóri Öskju.

Rebekka Rut mun fara með föður sínum, Herði Valssyni, til Rússlands á þennan sögulega stórleik,  sem eins og komið hefur fram, fyrsti leikur Íslands á HM frá því að keppnin var fyrst haldin árið 1930. Rebekka mun auk þess verða fyrsti íslenski boltaberinn, þannig það verður spennandi að fylgjast með henni.

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 4 dögum

Amanda hræðist framtíðina: „Ég hef áhyggjur – Ég er leið – Ég finn fyrir vanmætti“

Amanda hræðist framtíðina: „Ég hef áhyggjur – Ég er leið – Ég finn fyrir vanmætti“
Bleikt
Fyrir 4 dögum

Ert þú að gifta þig á næsta ári? Brúðarkjólatískan fyrir árið 2019 er komin út

Ert þú að gifta þig á næsta ári? Brúðarkjólatískan fyrir árið 2019 er komin út