Bleikt

Guðni Th.: Sigrar hjörtu fólks á fótboltamóti og sefur á vindsæng

Ragna Gestsdóttir
Laugardaginn 9. júní 2018 15:58

Forseti okkar, Guðni Th. Jóhannesson, er fyrir löngu búinn að sýna það og sanna að þrátt fyrir að hann gegni æðsta embætti þjóðarinnar, þá lætur hann það ekki stíga sér til höfuðs og er líka bara venjulegur maður með venjulegar skyldur.

Líkt og þær að mæta með syni sínum á fótboltamót, en Guðni er nú staddur á Norðurálsmótinu með syni sínum og félögum hans í Ungmennafélagi Álftaness.

„Guðni er búinn að sigra hjörtu okkar Grindvíkinga hér à Norðurálsmótinu á Akranesi með einstaklega ljúfri nærveru,“ segir Sólný Pálsdóttir sem er með syni sína, Hilmi, sex ára, og Fjölni, sjö ára, á mótinu.

„Báðir mínir eru að spila með Grindavík, í sitt hvoru liðinu með sínum jafnöldrum. Hilmir er örugglega sá fyrsti til að spila á þessu móti sem er með Downs, án þess að ég viti það 100%. Hann er búinn að vekja mikla athygli því hann gefur ekkert eftir þessi drengur,“ segir Sólný stolt af syni sínum.

Athygli vakti fyrir viku síðan þegar íslenska karlalandsliðið í fótbolta átti landsleik gegn Noregi að fötluð börn úr Klettaskóla löbbuðu með leikmönnum inn á völlinn. Á meðal þeirra var Hilmir sem leiddi Jón Daða Böðvarsson inn á völlinn.

Á Norðurálsmótinu er Guðni að fylgja syni sínum sem æfir með Ungmennafélagi Álftaness „Þú ættir bara að sjá hvað hann er frábær með liðið, hann er held ég liðsstjóri, allavega er hann allt í öllu. Hann er í næstu stofu við okkur í Grindavíkurliðinu, gefur sér tíma til að spjalla við alla og þeir sem biðja fá mynd af sér með honum,“ segir Sólný.

„Það var fallegt að fylgjast með honum lesa kvöldsögu fyrir hópinn sinn í gærkvöldi, mín barasta táraðist við það. Hvar annarsstaðar í heiminum sefur forseti á vindsæng í skólastofu með syni sínum og fótboltafélögum! Áfram Ísland.“

Ragna Gestsdóttir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 5 dögum

Hlutir sem nýir foreldrar vilja að þú vitir

Hlutir sem nýir foreldrar vilja að þú vitir
Bleikt
Fyrir 5 dögum

20 hjálpleg ráð til þess að fá ungabarnið þitt til þess að sofa betur

20 hjálpleg ráð til þess að fá ungabarnið þitt til þess að sofa betur
Bleikt
Fyrir 6 dögum

Ótrúlegar fyrir og eftir myndir – Settu heilsuna í fyrsta sæti

Ótrúlegar fyrir og eftir myndir – Settu heilsuna í fyrsta sæti
Bleikt
Fyrir 6 dögum

8 góð húsráð til að fá heimilið til þess að lykta guðdómlega

8 góð húsráð til að fá heimilið til þess að lykta guðdómlega
Bleikt
Fyrir einni viku

Hin hliðin á Heiðari: „Eigi skalt þú taka náunga þinn af lífi á internetinu“

Hin hliðin á Heiðari: „Eigi skalt þú taka náunga þinn af lífi á internetinu“
Bleikt
Fyrir 8 dögum

Sindri Eldon á von á sínu fyrsta barni: Björk verður amma

Sindri Eldon á von á sínu fyrsta barni: Björk verður amma