Stelpan mín verður 3 ára í ágúst og hef ég undanfarnar vikur verið að nota límmiðakerfi/umbunarkerfi fyrir hana. Það var alltaf erfitt að koma henni í föt sama hvar eða hvenær dags það var – þetta þýddi alltaf öskur, læti, grátur og leiðindi. Ég hefði aldrei trúað því hvað svona límmiðakerfi gæti virkað vel, hegðunin varð strax betri og nú 3 vikum seinna er ekkert mál að fara í föt.
Áður en ég byrjaði þá prentaði ég út spjaldið sem ég var búin að útbúa í Excel og keypti hvolpasveitalímmiða sem er í miklu uppáhaldi núna. Ég útskýrði vel fyrir henni að ef hún væri alltaf dugleg að fara í fötin sín fengi hún límmiða á kvöldin. Hún varð strax mjög spennt og hefur þetta heldur betur virkað vel hjá okkur. Þegar hún var búin að safna sér inn 7 límmiðum voru verðlaun. Eftir á þá sé ég að verðlaunin skiptu hana engu máli heldur var það límmiðin sjálfur sem skipti öllu máli! Að fá að velja límmiða og líma sjálf var aðal sportið og spáir hún ekki einu sinni í verðlaununum.
Þegar þið eruð að ákveða verðlaunin mæli ég með því að forðast algjörlega að verðlauna með mat, sælgæti, ís eða þess háttar, reynið að halda verðlaununum í formi skemmtunar og samverustunda. Það getur verið að baka saman, spila, fara í fjöruferð, húsdýragarð, sund eða á þá staði sem barninu þykir skemmtilegt. Leyfið jafnvel barninu að ákveða verðlaunin í samráði við ykkur 🙂
Hér eru nokkrir punktar sem gott er að hafa í huga þegar unnið er með umbunarkerfi:
Hægt er að fylgjast með Snædísi á Instagram undir notandanafninu: snaedisbergmann
Færslan birtist upphaflega á Lady.is