Bleikt

Berglind samdi ljóð þegar hún glímdi við alvarlegt þunglyndi: „Ég fékk sjokk yfir því að mér hafi liðið svona“

Aníta Estíva Harðardóttir
Föstudaginn 18. maí 2018 11:00

Berglind Dögg Helgadóttir glímdi á tímabili við mjög alvarlegt þunglyndi. Á dögunum rakst Berglind á ljóð sem hún samdi frá þeim tíma og fékk áfall.

„Það sem er áhugavert er hversu fljótur maður er að gleyma. Ég las þetta ljóð mitt í dag og fékk sjokk yfir því að þetta hafi verið líðanin mín á þessari stundu. Sem betur fer er þetta ekki svona í dag og mikið óskaplega er ég þakklát fyrir það,“ segir Berglind í færslu á Facebook sem hún gaf Bleikt góðfúslegt leyfi til þess að birta.

Ákvörðunin er alltaf manns eigin

„En það hefur kostað mikla og erfiða vinnu sem engin hefur getað gert fyrir mig nema ég sjálf. Það er nefnilega þannig að lífið er jú erfitt. Mismikið, vissulega en ákvörðunin um að breyta og bæta sálina og umhverfi manns er og verður alltaf manns eigin.“

Berglind segir enga skömm liggja í því að greinast með andleg veikindi.

„Margir upplifa það hins vegar og þora ekki að segja frá og á þeim tímapunkti sem ég skrifaði þetta ljóð þá var ég algjörlega þar. En hér er ljóðið sem mig langar að deila með ykkur, vonandi hjálpar það einhverjum. Því þó að lífið taki krappa beygju þá er hægt að snúa því við.“

Ljóð Berglindar má lesa hér fyrir neðan og má vel lesa angist hennar og vanlíðan frá þessum tíma.

Fangi

Þegar allt virðist erfitt.
Ég bugast. Hvað gerðist?
Þá dimmir í huga mér.

Myrkrið deyfir og æsir
Vonleysið kætir
Ég fangi er í huga mér.

Ekkert gleður, ekkert gaman.
Öllum er alveg sama.
Ég er ómerkileg og leið.

Ég ekkert kann eða get
Hef ekki orku í eitt fet
Vil sofa í 1000 ár.

Ég þrái líf og tilgang
En kem mér ekki í gang
Myrkrið vill ekki sleppa.

Herbergið er loftlaust
Kalt, eins og komið sé haust.
Ég get ekki andað.

Í myrkri og kulda ég lá
Dofin, frá haus niðrí tá.
Ég get ekki hreyft mig.

Vonleysið tekur völd
Því halda engin bönd.
Það eyðir öllu góðu.

Ég ennþá hér ligg.
Engin hjálp sem ég þigg
Ég er enn fangi, ennþá hér.
Ein. Inní huga mér.

Höfundur: Berglind Dögg Helgadóttir

 

Aníta Estíva Harðardóttir
Aníta Estíva Harðardóttir er umsjónarmaður Bleikt á DV. Hún hefur stundað nám við félagsfræði, fjölmiðlafræði, leikstjórn og framleiðslu.

Netfang: anita@pressan.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 4 dögum

Töfralausnin er fundin: Svona á ekki að geyma kartöflur

Töfralausnin er fundin: Svona á ekki að geyma kartöflur
Bleikt
Fyrir 4 dögum

Sorgin sem fylgir því að hætta barneignum: „Með öllum fyrstu skiptunum sem líða eru alveg jafn mörg síðustu skipti“

Sorgin sem fylgir því að hætta barneignum: „Með öllum fyrstu skiptunum sem líða eru alveg jafn mörg síðustu skipti“
Bleikt
Fyrir 1 viku

Rósa sér eftir því að hafa keppt í módelfitness: „Ég þróaði með mér kvíða félagsfælni, þunglyndi og átröskun. Allt í þeim eina tilgangi að verða fit og mjó“

Rósa sér eftir því að hafa keppt í módelfitness: „Ég þróaði með mér kvíða félagsfælni, þunglyndi og átröskun. Allt í þeim eina tilgangi að verða fit og mjó“
Bleikt
Fyrir 1 viku

Howard er 93 ára og syngur til konu sinnar á dánarbeðinu – Sjáðu myndbandið sem framkallar bæði gæsahúð og tár

Howard er 93 ára og syngur til konu sinnar á dánarbeðinu – Sjáðu myndbandið sem framkallar bæði gæsahúð og tár
Bleikt
Fyrir 1 viku

Ingibjörg Eyfjörð: „Það er eins og ég hafi misst eldmóðinn, dottið niður fjórar hæðir og lent beint á andlitinu“

Ingibjörg Eyfjörð: „Það er eins og ég hafi misst eldmóðinn, dottið niður fjórar hæðir og lent beint á andlitinu“