Stórstjarnan Justin Bieber var hreinskilinn við aðdáendur sína á Instagram í gær, degi eftir að hið heimsfræga Met Gala fór fram.
Söngvarinn segir að fólk eigi ekki að halda því fram að líf og lífsstíll hjá þeim frægu sé betri en hjá öðrum, sama hvað ljósmyndir gefa til kynna.
Færsla Biebers er svohljóðandi: „Sæll heimur. Þessi upppússaði lífsstíll sem þú sérð hjá frægu fólki á Instagram, passið að láta ekki láta blekkja ykkur og halda að líf þeirra séu betri en ykkar. Svo er ekki, því get ég lofað.“
Aðdáendur Biebers veltu margir fyrir sér hvaðan kveikjan að þessari færslu kom. Spurðu ýmsir sig hvort þetta hafði eitthvað með fyrrverandi kærustur hans að gera, þær Selenu Gomez og Hailey Baldwin, sem mættu báðar á fjáröflunarkvöldið.