Bleikt

Fatamarkaður: Söngdívur selja úr fataskápunum

Ragna Gestsdóttir
Þriðjudaginn 8. maí 2018 09:00

Það verður sannkallað fjör og fatagleði á fimmtudag í húsnæði Slysavarnadeildarinnar á Granda, en þá koma nokkrar af fremstu söngdívum landsins saman og selja góssið úr fataskápum sínum.

KÍTÓNlistarkonurnar ætla að eigin sögn að selja vel valda gullmola úr fataskápum, skúffum og skókössum og hvetja fólk til að mæta enda fátt annað að gera á uppstigningardegi.

„Við bara neyðumst, starfa okkar vegna, til þess að endurnýja fatarekkann örlítið oftar en aðrar starfsstéttir og sumt er bara þónokkuð GLAM, FAB & GORDJÖSS og annað eitthvað annað. Það verður semsagt nóg af allskonar fíneríi á boðstólnum og glaðværðin allsráðandi í verðlagningu. Og já það verður „JÚRÓkí“ og meððí.“

Söngkonurnar eru:
Sara Mjöll
Hera Björk
Regína Ósk
Sigga Eyrún
Þórdís Imsland
Kristín Stefáns
Hallveig Rúnars
Stefanía Svavars
Kristjana Stefáns
Elísabet Ormslev
Ragnheiður Gröndal
Brynhildur Oddsdóttir

„Snillingarnir í Slysavarnadeild Reykjavíkur ætla að vera með veitingar á efri hæðinni á meðan að við seljum utan af okkur glamúrgallana þannig að það verður hægt að koma í kjólakaup, fá sér súpu, kíkja aftur á markaðinn, máta perlufestar og fara svo og skella í sig einni vöflu og meððí…legg ekki meira á þig lov,“ segir Hera Björk.

Fatamarkaðurinn er opinn frá kl.12-17 og má finna viðburðinn á Facebook.

Ragna Gestsdóttir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af