Bleikt

Adele fagnaði stórafmælinu með stæl: Hélt Titanic partí og gerði allt brjálað

Tómas Valgeirsson
Þriðjudaginn 8. maí 2018 11:00

Adele passaði að vera í sama kjól og Rose (Kate Winslet) úr Titanic.

Stórstjarnan Adele fagnaði þrítugsafmæli sínu um helgina og ákvað að halda veisluna með Titanic-þema þar sem öllu var tjaldað til.

Söngkonan var klædd sem persóna Kate Winslet úr kvikmyndinni og dansaði hún dátt allt kvöldið ásamt stórum hópi gesta sem komu margir hverjir klæddir í björgunarvestum eða öðru í stíl við þemað. Á meðal gesta veislunnar voru Alan Carr, Zane Lowe og Breaking Bad-leikarinn Aaron Paul.

Adele birti í gær ljósmyndir úr veislunni á Instagram-síðunni sinni og útskýrði að þemað væri til þess að halda upp á bæði stórafmælið og skipuleggja partí í stíl við eina af hennar uppáhalds bíómyndum.

Hins vegar var ekki öllum skemmt yfir ljósmyndunum sem hún birti, né þemanu, enda þótti sumum það ósmekklegt að skipuleggja veislu sem vísar í harmleik þegar yfir fimmtán hundruð manns létu lífið í jómfrúarsiglingu skipsins sem sökk árið 1912. Leið ekki á löngu þangað til að fóru að streyma hvassar athugasemdir til söngkonunnar á bæði Instagram og Twitter.

Hér að neðan má sjá nokkrar ljósmyndir úr veislunni sem fóru fyrir brjóstið á mörgum.

Cold Blooded.

A post shared by Mark Ronson (@iammarkronson) on

Tómas Valgeirsson
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af