fbpx
Bleikt

Ragga nagli: „Svengd er ekki neyðarástand hjá heilbrigðum einstaklingi“

Ragna Gestsdóttir
Þriðjudaginn 24. apríl 2018 11:30

Mynd: Andrea Jónsdóttir

Ragga Nagli er klínískur heilsusálfræðingur og einkaþjálfari. Á Facebook heldur hún úti vinsælli síðu þar sem hún birtir reglulega pistla um hreyfingu, mataræði og fleira. Í þeim nýjasta fjallar hún um að svengd.

Við gefum Röggu nagla orðið:

Má ég vera svangur?

Margir hræðast svengd.
Dúndra í sig horuðu agnarsmáu snarli á 2-3 tíma fresti því það hefur verið innprentað í okkur að líkaminn þurfi stöðugt flæði af hitaeiningum.

Þvert á móti er okkur eðlislægt að vera án matar í ákveðinn tíma af sólarhringnum.

Forfeður okkar ráfuðu hungraðir um steppur í leit að æti.
Það liðu jafnvel einhverjir dagar áður en horuð kanína varð á vegi þeirra.

Það er nauðsynlegt að gefa kerfinu frið frá því að melta, ferla og brjóta niður í mallakút.

Viðgerðarferli líkamans fer nefnilega í gang í föstuástandi.
Hreinsun og endurnýjun á frumum gerist í föstuástandi.
Líkaminn losar út vaxtarhormón (HGH) eftir 12 tíma föstu.

Rannsóknir á músum sem eru látnar fasta í 12 tíma sýna aukið glúkósaþol, aukið insúlínnæmi og minni bólgumyndun í vöðvum og liðum.

Ef þú ætlar að taka eldhúsið í gegn og skipta um innréttingu þá seturðu ekki nýju skápana ofan á þessa gömlu.

Þú þarft fyrst að hreinsa allt út með að rífa niður gömlu skápana.
Sparsla, mála, múra, bora.
Síðan seturðu upp nýju skápana.

Sem er akkúrat það sem gerist í föstuástandi.

Líkaminn hefst handa við að skúra, skrúbba, bóna og sópar út veikari frumum.
Þegar þú síðan sest niður að snæðingi þá byggir hann upp enn sterkari frumur.

Það má nefnilega alveg verða svangur.
Matur bragðast betur þegar við erum raunverulega svöng því þegar við gefum líkamanum tækifæri að losa út svengdarhormónið Ghrelin þá opnar hann bragðlaukana og gerir þá næmari.

Maður man alltaf fyrsta bitann þegar loks sest er að snæðingi í svengdarástandi.

Svengd er ekki neyðarástand hjá heilbrigðum einstaklingi.
Fólk fastar fyrir skurðaðgerðir, í Ramadan, í jógaferðum og oft óvart í sjúklegri vinnutörn.

Enn hafa ekki borist fregnir af mannfalli eftir 12 tíma án matar.

Facebooksíða Röggu nagla.

Mynd: Andrea Jónsdóttir
Ragna Gestsdóttir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 2 dögum

Ellen hélt óhefðbundna kynjaveislu sem vakið hefur athygli um allan heim

Ellen hélt óhefðbundna kynjaveislu sem vakið hefur athygli um allan heim
Bleikt
Fyrir 3 dögum

Sara Dís skrifar bréf til pabba: „Í dag er dagurinn sem ég mun alltaf hata“

Sara Dís skrifar bréf til pabba: „Í dag er dagurinn sem ég mun alltaf hata“
Bleikt
Fyrir 3 dögum

Svona getur neysla fíkniefna farið með þig – Fyrir og eftir myndir

Svona getur neysla fíkniefna farið með þig – Fyrir og eftir myndir
Bleikt
Fyrir 3 dögum

Þessi dýr eiga það öll sameiginlegt að hafa eyðilagt myndartökur

Þessi dýr eiga það öll sameiginlegt að hafa eyðilagt myndartökur
Bleikt
Fyrir 4 dögum

Sjáðu kostulegt myndband af konu sem hlýtur að vera móðir Línunnar

Sjáðu kostulegt myndband af konu sem hlýtur að vera móðir Línunnar
Bleikt
Fyrir 4 dögum

Ósáttur faðir hefur fengið nóg og húðskammar dóttur sína – Myndbandið sem hefur vakið heimsathygli

Ósáttur faðir hefur fengið nóg og húðskammar dóttur sína – Myndbandið sem hefur vakið heimsathygli