Best er að geyma hveiti í kæli. Ef þú notar það sjaldan er best að geyma það í loftþéttum umbúðum í ísskápnum. Þetta á bæði við um heilhveiti sem og hvítt hveiti.
Avókadó er ekki ódýr og á það til að skemmast mjög fljótt. Best er því að skera það í helming og skræla börkinn af, setja í frystipoka og í inn í frysti.
Gott er að setja hnetur í frysti því það hjálpar þeim að viðhalda náttúrulegum olíum. Setjið hneturnar í loftþéttar umbúðir og þá endast þær góðar í allt að átta mánuði í frystinum.
Kuldi breytir sterkjunni í kartöflum í sykur sem gerir það að verkum að áferð kartaflanna verður mjölkennd og bragðið verður örlítið sætara. Best er að geyma kartöflur í bréfpoka í nokkuð köldu geymslurými.
Laukur þarf loftflæði til þess að haldast ferskur. Best er að geyma hann í bréfpoka með götum á í kaldri geymslu. Þó skalt þú ekki geyma þá nálægt kartöflunum því laukur gefur frá sér gastegund sem lætur kartöflur eyðileggjast fyrr.
Kalt loft breytir efnasamskiptum í tómötum, því er best að geyma þá uppi á eldhúsborði fyrir besta bragðið.
Kaffibaunir á aldrei að geyma í ísskáp þar sem rakinn í ísskápnum dregur úr kaffibragðinu. Best er að geyma kaffibaunirnar í loftþéttum umbúðum inni í geymslu.
Geymið ávallt sveppina í bréfpoka. Plast lokar inni raka sem veldur því að sveppirnir mygla.
Geymið engiferrótina í frystinum. Þá endist hún mun lengur og auðveldara er að rífa hana.
Þegar þið setjið kál inn í ísskáp leyfið þá smá pappír að fylgja með. Pappírinn dregur í sig raka og kálið geymist mun lengur.
Frystið kryddjurtirnar í ólífuolíu. Hellið ólífuolíu í klakaform og setjið kryddjurtirnar út í. Olían mun draga í sig bragð af jurtunum. Notið eftir þörfum til steikingar.
Vefjið plastfilmu um toppinn á bananaklasanum. Þá geymast þeir í um það bil viku lengur.
Frystið eggin ef þau eru að renna út: Já, það má frysta egg. Takið egg og hrærið saman með gaffli, setjið örlítið salt eða sykur u.þ.b. ½ tsk. fyrir hver 6 egg. Það má frysta þau t.d. 3 saman í poka sem er algengt magn í bakstri eða í klakaformi. Einn klaki er svipað magn og eitt lítið egg. Einnig má frysta eggjahvítur og eggjarauður í sitthvoru lagi. Ef eggjarauður eru frystar er látið örlítið salt eða ½ t.s.k. fyrir 12-14 eggjarauður. Það þarf ekki salt í eggjahvíturnar, aðeins skella þeim í poka, loka fyrir og inn í frystir.
