Bleikt

Kate Middleton komin á fæðingadeild: Á sama tíma tilkynnir Pippa óléttu

Tómas Valgeirsson
Mánudaginn 23. apríl 2018 09:37

Það hefur verið langþráður draumur systranna Kate (36) og Pippu Middleton (34) að vera ófrískar á sama tíma. Þetta segir ótilgreindur fjölskyldumeðlimur í samtali við fréttamiðilinn Us Weekly en nú virðist sem að draumur þeirra hafi ræst.

Sagt er að eldri systirin hafi verið sú fyrsta til að heyra fréttirnar frá Pippu eftir fyrstu skoðun sína en þetta er hennar fyrsta barn með eiginmanninum James Matthews (42). 

Samkvæmt tilkynningu frá Kensington-höll eiga þau Kate og Vilhjálmur bretaprins von á sínu þriðja barni á hverri stundu. Kate er sögð vera nýkomin með hríðir og hefur verið flutt á St. Mary spítalann í Paddington en þar var hún líka þegar hún fæddi erfingjana Georg prins og Karlottu prinsessu.

Þau Pippa og James giftu sig í maí í fyrra og eru sögð himinlifandi yfir tíðindunum.

 

Tómas Valgeirsson
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af