Það er enginn vafi um það að mæður eru frábærar. Líkami þeirra gengur í gegnum níu mánaða meðgöngu og í kjölfar hennar tekur við fæðing til þess að koma nýju barni í heiminn.

Allir foreldrar geta gert mistök þegar kemur að uppeldi barnanna enda er foreldrahlutverkið eitt það erfiðasta sem einstaklingar taka að sér.

Gemma Colley gerði á dögunum smávægileg mistök sem hún gat þó hlegið að og ákvað að deila þeim með fleirum og setti hún söguna á Facebook.

Gemma fór í brúnkumeðferð á stofu til þess að fríska örlítið upp á útlit sitt. Það var ekki fyrr en nokkrum klukkutímum síðar sem hún áttaði sig á því hvað hún hafði gert.

Nokkrum klukkutímum eftir að Gemma kom heim gaf hún syni sínum, sem enn er á brjósti, að drekka. Þegar leið á daginn sá hún að brúnkuspreyjið hafði smitast yfir á andlit drengsins og gat hún ekki annað en hlegið að mistökum sínum.