fbpx
Bleikt

Fimm ára barátta Hilmars og Rjóma um flutning til Íslands

Aníta Estíva Harðardóttir
Föstudaginn 13. apríl 2018 13:00

Hilmar Egill Jónsson flutti til Noregs árið 2011 þar sem hann hafði ákveðið að búa ásamt fjölskyldu sinni í eitt ár. Þar lét Hilmar langþráðan draum sinn rætast og keypti sér English Bull Terrier hvolp sem fékk nafnið Rjómi.

Fjölskyldan gerði sig síðan klára til að flytja heim til Íslands ári síðar. Héldu þau að það yrði auðsótt mál að fá leyfi til þess að flytja Rjóma með til landsins þar sem tegund hans er ekki á svokölluðum lista yfir bannaðar hundategundir. Málið reyndist hins vegar erfiðara en svo og hófst í kjölfarið fimm ára barátta Hilmars fyrir því að fá hundinn heim.

Hundurinn Rjómi

„Eftir að hafa farið með málið í gegnum MAST, ráðuneytið, héraðsdóm og Hæstarétt virtust öll sund lokuð en á undraverðan hátt fékk Hilmar loksins leyfi til þess að flytja með alla fjölskylduna heim seint á síðasta ári. Það má því segja að sagan hafi endað vel.“

Segir Freyja Kristinsdóttir í viðtali við DV.

Freyja Kristinsdóttir, dýralæknir og kvikmyndagerðakona

Freyja er lærður dýralæknir og hundaþjálfari sem hefur undanfarið starfað við kvikmyndagerð.

„Ég lærði heimildamyndagerð í Danmörku árið 2015 og á svipuðum tíma og ég kláraði námið, þá var mál Hilmars og Rjóma töluvert í fjölmiðlum. Mér fannst þetta áhugavert og hafði samband við Hilmar sem sendi mér öll málsgögnin. Eftir að hafa lesið yfir þau var ég sannfærð um að þetta væri efni í heimildamynd.“

Freyja hitti Hilmar og Rjóma í fyrsta skiptið vorið 2016 og hóf þá tökur á heimildamynd um mál þeirra.

Freyja og Rjómi

„Nú hef ég loksins lokið öllum tökum og er að leggja lokahönd á klippivinnuna. Hilmar er ekki sá fyrsti sem hefur fengið neitun frá MAST, en það sem er svo magnað við þessa sögu er að hann gafst aldrei upp, sama hversu miklu mótlæti hann mætti. Hann var allan tímann sannfærður um að hann hefði rétt á að flytja hundinn inn. Það er margt í þessari sögu sem er áhugavert að skoða nánar og er það markmiðið með heimildamyndinni.“

Rjómi á fimm ára afmælisdegi sínum

Freyja stendur nú í ýmiss konar eftirvinnslu á myndinni og hefur hún brugðið á það ráð að safna fyrir vinnunni á Karolina Fund. Þeirri söfnun lýkur á sunnudaginn næstkomandi, þann 15. apríl, og verður frumsýning myndarinnar þann 24. maí í Bíó Paradís og almennar sýningar eftir það.

Fyrir áhugasama er hægt að styrkja verkefnið með því að fara inn á slóðina hér fyrir neðan. Hægt er að styrkja verkefnið með misháum upphæðum og í leiðinni næla sér í miða á forsýningu myndarinnar eða á almennar sýningar.

https://www.karolinafund.com/project/view/2025

Aníta Estíva Harðardóttir
Aníta Estíva Harðardóttir er umsjónarmaður Bleikt á DV. Hún hefur stundað nám við félagsfræði, fjölmiðlafræði, leikstjórn og framleiðslu.

Netfang: anita@pressan.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Drengirnir eru fundnir

Ekki missa af

Bleikt
Í gær

6 góð ráð gegn meðgöngukláða

6 góð ráð gegn meðgöngukláða
Bleikt
Í gær

Nú getur þú kúkað glimmeri – En við mælum ekki með því

Nú getur þú kúkað glimmeri – En við mælum ekki með því
Bleikt
Fyrir 2 dögum

Ósáttur faðir hefur fengið nóg og húðskammar dóttur sína – Myndbandið sem hefur vakið heimsathygli

Ósáttur faðir hefur fengið nóg og húðskammar dóttur sína – Myndbandið sem hefur vakið heimsathygli
Bleikt
Fyrir 2 dögum

Tobba og Kalli telja niður í settan dag – Grenja?

Tobba og Kalli telja niður í settan dag – Grenja?