Bleikt

Bleikt
Föstudagur 20.apríl 2018
Bleikt

Sigurjón greindist með eitlakrabbamein og þarf á hjálp að halda

Aníta Estíva Harðardóttir skrifar
Miðvikudaginn 28. mars 2018 13:35

Sigurjón Þór Widnes Friðriksson greindist með eitlakrabbamein af gerðinni Hodgkins fyrir um tveimur vikum síðan. Ekki er vitað á hvaða stigi krabbameinið er eða hversu dreift það er um líkamann en Sigurjón og kærasta hans Guðlaug Stella Hafsteinsdóttir eru um þessar mundir stödd í Danmörku þar sem Sigurjón fer í jáeindaskanna þar sem enn er ekki boðið upp á slíkt á Íslandi.

„Við erum núna úti að Danmörku og hann er að fara í skannann í þessum töluðu orðum. Þá kemur í ljós hversu mikið meinið hefur dreift sér og hversu margar lyfjagjafir hann þarf að fara í. Við eigum að gera ráð fyrir allavegana ári í þessa meðferð,“

segir Guðlaug Stella í samtali við Bleikt.

Tryggingafélagið greiðir aðeins annan farmiðann

Bæði Sigurjón og Guðlaug eru í námi og hafa þau því ekki fjárhagslega burði til þess að standa undir meðferðinni. Tryggingastofnun greiddi ekki nema annan farmiðann fyrir þau til Danmerkur og í kjölfar niðurstaðna úr jáeindaskannanum mun bætast við mikill kostnaður vegna lyfjameðferðar og mögulega geislameðferðar.

„Við erum bæði í skóla og áttum að fara á samning þar sem við fáum nema laun í sumar. Ég fer á minn samning sem snyrtifræðinemi en hann þarf að bíða með sinn samning þar til hann hefur náð sér.“

Sigurjón er fæddur árið 1985 og er því mjög ungur og á allt lífið fram undan.

Fer í aðgerð á föstudaginn

„Hann fer í smá aðgerð á föstudaginn þar sem settur verður lyfjabrunnur í hann svo hann geti fengið lyf við krabbameininu.“

Stofnaður hefur verið styrktarreikningur fyrir Sigurjón fyrir þá sem sjá sér fært að styrkja þetta unga par í þessari erfiðu lífsreynslu:

Reikningsnúmer: 0370-13-002894
Kennitala: 181194-3329

Margt smátt gerir eitt stórt og skiptir hver króna máli.

Aníta Estíva Harðardóttir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af