Bleikt

Ragga nagli: Settu þér hegðunarmarkmið frekar en útkomumarkmið

Ragna Gestsdóttir
Mánudaginn 5. mars 2018 14:00

Ragga Nagli er klínískur heilsusálfræðingur og einkaþjálfari. Á Facebook heldur hún úti vinsælli síðu þar sem hún birtir reglulega pistla um hreyfingu, mataræði og fleira. Í þeim nýjasta fjallar hún um hvernig það er betra til langtímaárangurs að setja sér hegðunarmarkmið en útkomumarkmið.

Við gefum Röggu nagla orðið:

Lykillinn að langtímaárangri er ekki að setja sér útópísk útlitstengd markmið.
Það er ytri hvatning og skammgóður vermir eins og hlandblautur skór.

Langtímaárangur næst með því að skuldbinda sig ferlinu og framkvæma heilsuhegðun aftur og aftur og aftur.

Líkaminn er magnað fyrirbæri og því lengur sem við tökum heilsusamlega ákvörðun á borð við að borða hollt og hreyfa okkur styrkist tengingin milli hegðunar og taugakerfisins.

Því oftar sem við framkvæmum heilsuhegðun því sterkari verður hún í sessi og erfiðari að brjóta því við sækjumst í vellíðunartilfinninguna sem fylgir henni.

Það gerum við með að setja okkur hegðunarmarkmið frekar en útkomumarkmið

Því þú stjórnar hegðuninni.
Þú stjórnar ekki hvernig líkaminn bregst við.

Þú fléttar sukk inn í planið með góðri samvisku í gæðastund. Því við getum ekki verið í fangelsi þurrelsis í mataræðis meðan náunginn úðar í sig kræsingum með súkkulaðitaum út á kinn.

Versla hollt, minnka matardiskana, mæta á allar æfingar vikunnar.
Drekka meira af vatni og minna af gosi.
Borða allar máltíðir sitjandi og hægja á þér við að borða.

Þessar uppsöfnuðu litlu breytingar á hegðun verða að lífsstíl.

Vellíðanin sem fylgir hollu mataræði og hreyfingu er tengd við þessa hegðun.

Hrósa sjálfum þér fyrir allar litlar breytingar á hegðun og hugsun. Hrósið eflir sjálfstraust, styrkir hegðun fyrir næstu skipti og hjálpar við að festa breytt hegðunarmynstur og nýja hugsun í sessi.

Facebooksíða Röggu nagla

Ragna Gestsdóttir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 6 dögum

Ævar vísindamaður og Védís eignast son: „Á örugglega eftir að kenna okkur báðum foreldrunum heilan helling“

Ævar vísindamaður og Védís eignast son: „Á örugglega eftir að kenna okkur báðum foreldrunum heilan helling“
Bleikt
Fyrir 6 dögum

Sex einkenni eineltis: Skólarnir eru að byrja – Deildu þessu

Sex einkenni eineltis: Skólarnir eru að byrja – Deildu þessu
Bleikt
Fyrir 1 viku

Rósa sér eftir því að hafa keppt í módelfitness: „Ég þróaði með mér kvíða félagsfælni, þunglyndi og átröskun. Allt í þeim eina tilgangi að verða fit og mjó“

Rósa sér eftir því að hafa keppt í módelfitness: „Ég þróaði með mér kvíða félagsfælni, þunglyndi og átröskun. Allt í þeim eina tilgangi að verða fit og mjó“
Bleikt
Fyrir 1 viku

15 ómissandi hinsegin kvikmyndir

15 ómissandi hinsegin kvikmyndir